VOV4.K’ho - Mho òr (5/5),  Gah atbồ rơndap broa\ lơh Hìu ma\y Alumin Nhân Cơ-Vinacomin (Tập đòan Kông nghiệp Than-Khóang sản Việt Nam) bơyai lơh mut lơh geh lơh niam wơl gùng bơh sơne\ 3 Phi Lao, xã Nhân Đạo tus hìu ma\y rwah bôxit di broa\ lơh Hìu ma\y Alumin Nhân Cơ. Gùng do  geh mut lơh jòng 4 kơi sồ, ơnàng 6 thơt mơ  gùl, lòt gan ala\ xã Nhân Cơ, Nghĩa Thắng, Nhân Đạo di kơnhòal Dak Rlấp,  pria\ lơh gùng rlau 22 tơmàn pria\. Jat rơndap broa\, gùng lơh gơs tơnơ\ mờ 90 ngai. Tơnơ\ lơh gơs, gùng do geh dong  bơta buơn bòai tus làng bol  tàm  do lòt rê, pơndiang phan bơna, pơ gồp bal  chồl guh lơh sa mpồl bơtìan tàm do.

                                    Cau cih mờ yal tơnggit K’ Brọp