VOV4.K’ho- Gơnoar atbồ kơnhoàl Tuy Đức pơgồp bal mờ ală gah lơh broă geh gơrềng bơh càr Daknông dê gam lơh ngan tơrgùm bơsong jơnau gơlời wơl bơh dơ\ tam cuh phàu tài bơh tam pìt tam phà ù tiah gơlik geh tàm àng drim gờn ngai 23/10 tàm bă brê 1535, tàm ntum Dak Ngo, kơnhoàl Tuy Đức lơh 3 nă cau chơ\t mờ 15 nă cau gơtìp sồt să. Tài bơh tiah gơlik geh broă do ơm ngài mờ tàm gùl kơnhoàl, gùng lòt kal ke ngan den tàng mpồl cau lơh sơnơm ờ gơtùi tus dong kờl di tu\. Neh geh 5 nă cau tàm kờp jơh 15 nă cau gơtìp sồt să geh jun tus Hìu sơnơm dờng càr Daknông dong kờl tài bơh sồt mồr kơn jơ\ ir.

Ală cau gơtìp sồt să gam geh sơm sồt tàm Hìu sơnơm dờng càr Daknông

           Lòt sền tiah gơlik geh broă do, ală anih lơh broă geh gơrềng bơh càr Daknông dê đơs, phan tam lơh mờ ală cau do ngui là phàu hoa cải mờ phàu tàp pràn să jan. Kuang àng càr Daknông gam pơgồp bal mờ Kuang àng kơnhoàl Bù Đăng, càr Bình Phước mhar jòi ku\p ală cau lơh tìs.

Cau cih mờ yal tơngi\t- Lơ Mu K’ Yến