VOV4. K’ho - Bulah neh geh ua\ ngan tam gơl,  mơya tàm ờ ua\ [òn làng bol kòn cau bơh càr Daknông tu\ do gam mờng ngan mờ rài kis yal bè ròng phan pờ lềng, ờ hềt lơh hìu ja\ brê di pal,  git wa\ sền gàr kloh ờ hềt jơnhua, gam lời gơlik geh bơta gơbàn bơ\ tiah kis tàm [òn he ơm kis. Den tàng ngan, pơhìn gơlik geh ờ ua\ bơta kòp bơtờp bè kòp kết lỵ,  sởi,  kòp mprơm gam gơbàn ua\ ngan, ngan la tàm nhai duh mờ kơnòm dềt hala cau geh  pràn kơldang sa\ ja` ờ pràn.

            {òn N’Riêng, ntum Dak Nia,  [òn drà Gia Nghĩa, càr Daknông  geh mờr 100 hìu nha\ làng bol kòn cau Mạ ơm kis. Bulah la tiah kis kềng gah [òn drà, mơya làng bol gam  gàr  ua\ ngan rài kis bè yau, git  wa\ sền gàr tiah kis gam ờ  jơnhua. Ồng K’ Hai atbồ [òn N’Riêng ai git, gơnoar atbồ [òn lơgar mờ gah lơh sơnơm neh mblàng pơlam ua\ ngan, mơya bơh bơta gam ua\ ngan kal ke den tàng ua\ ngan hìu nha\ làng bol gam ờ hềt lơh wàng ròng phan ròng cah ngài mờ hìu ơm. Ua\ hìu nha\ gam ờ hềt lơh hìu ja\ brê di pal,  broa\ sang sìô sia\ gam khat sang bù. Ngan la broa\ lơh dà  sàng kloh neh geh bơcri lơh mơya bơh broa\  sền gàr mut ngui ờ di pal den  tàng  gơ neh gơbàn ờ niam mhar ngan, gơbàn ờ  gơtùi ngui tai. Tài bơh ờ sền gàr kloh niam geh, den tàng ua\ cau tàm [òn, ngan la kơnòm dềt mờ cau ờ  pràn sùm gơbàn kòp bè jê ndul, bơsia\, kòp sởi mờ  duh sa\. Ồng K’ Hai đơs:         “Bơta sang bu ba sìô sia\ gam ờ hềt di pal ngan, ua\ tiah gam bơ\ ngan, sìô sia\ gam ua\ ngan.  Bulah tu\ do gam geh rơndeh lòt ai sìô sia\, mờ git wa\ bơh làng bol  gam ờ hoan wa\ ngan khi gam ờ git gam bơ\ bơl ngan geh lơh aniai tus mờ kơnòm dềt,  kòn se hala gơbàn bơsia\, duh sa\. Đơs bal neh geh bơcri  lơh dà sàng kloh mơya dà tu\ geh tu\ ờ tài bơh nhai do gam prang,  soat dà”.

            Ntum Dak Nia geh 5 [òn làng bol kòn cau, geh tus khà kồ  40%. Tàm ala\ nam do, ala\ kơna\ Đảng,  gơnoar atbồ mờ gah lơh sơnơm neh mut lơh ua\ ngan broa\ lơh, ngan la sền gròi pràn  kơldang sa\ ja` làng bol. Ntum neh bơcri lơh hìu sơnơm ntum tơl khà, cau lơh sơnơm geh tus hờ [òn. Broa\ lơh dà sàng kloh neh bơcri lơh  5 broa\ lơh dà sàng geh ngui bal bal mờ ding dà kờp pria\ geh tus rlau 2 tơmàn pria\, mơya tu\ do neh ờ  gơtùi lơh broa\ tai bơh neh ờ  diơng. Ntum geh kuơ màng ngan lơh pràn dơ\ mblàng pơlam bơtàu tơngguh git wa\ kloh  niam ờ bơ\ bơl tàm ala\ [òn mơya tus tu\ do bơta gơ tam gơl gam ờ hoan ngan. Den tàng,  do la ntum geh khà kơnòm dềt gơbàn kòp bơtờp ua\ ngan rlau jơh tàm [òn drà Gia Nghĩa. Ồng Đồng Quang Huy kuang atbồ đơng lam Đảng ntum Dak Nia dờp bơta geh mùl màl do:“Ua\ ngan ala\  [on làng bol kòn cau kis bơh yau geh bơhìan lơh sa mờ ơm kis geh ua\ bơta ờ hềt kloh ngan. Ngan la tàm broa\ ròng phan,  lơh kloh sa\ ja` kung gam gơtìp ua\ ngan kal ke. Ngan la tàm ala\ ntum ua\ ngan kal ke,  geh hìu ờ geh   nàng lơh hìu ja\ brê. Ờ ua\  cau geh dong kờl den broa\ blơi dà ngui den geh tu\ geh geh tu\ ờ gơlam tus broa\ mờ làng bol gam jat bơhìan yau. Mpồl đơng lam atbồ Đảng  mờ anih duh  broa\ làng bol, geh lơh ngan broa\ lơh mblàng pơlam, lam sồr làng bol tàm broa\ ngui hìu ja\ brê tơl kloh. Dơ\ 2 la broa\ ròng phan pal gàr niam  nàng làng bol  geh tơl bơta ròng phan mơya pal ngài mờ  [òn làng bol mờ ròng phan geh anih lơh sa suơn dờng ba`  ròng pờ lềng. Bè broa\ sền gàr pràn kơldang sa\ ja` làng bol den kung geh bơta lam sồr tơn mờ gah lơh sơnơm geh lơh bal mờ anih tờm lơh sơnơm geh broa\ lơh is sùm geh broa\ lơh kham sơm kòp mờ lam sồr làng bol mut lơh kloh niam tàm [òn mờ kung bè broa\ lơh  sền gàr pràn kơldang sa\ ja` làng bol”.

            Jat ala\ bác sĩ tàm Hìu sơnơm dờng càr Daknông, bulah neh geh ua\ gơtam gơl mơya bơta pơhìn gơlik geh ala\ kòp bơtờp gam geh tàm ala\ [òn làng bol kòn cau. Jat trơ gùm kờp, ai go\,  khà  cau gơbàn kòp bè jê ntum, bơsia\, kòp sởi,  kòp mprơm bơh kơnòm dềt tàm tiah làng bol kòn cau geh tus 60%. Mùl màl do ai go\,  kờ` pal lơh pràn rlau tai broa\ lơh mblàng pơlam bơtàu tơngguh git wa\  kloh niam tàm [òn lơgar tàm ala\ [òn làng bol kòn cau.

                   Cau cih mờ yal tơnggit K’ Brọp