VOV4.K’ho – Tàm ală ngai do, kơnòm dềt r[ah, kơnòm dềt gơbàn kal ke tảm ài kis mờ kơnòm dềt kis tàm tiah làng bol kòn cau càr Daknông gam wă rò sa tềp Trung thu chờ hờp ngan:

Hìu chài rơgơi [òn U1, [òn drà Ea T’ling, kơnhoàl Cư Jut, càr Daknông chờ hờp ngan sap đơs sap `o\ bơh ală oh dềt dê gam tus bal tà` bơkàu, lơh đèng gu\ mờ bơto tamya, bơto đơs crih rơcang tus mang chờ Trung thu. Jơh tàm [làng mờ tàm dơlam hìu chài rơgơi [òn ndrờm geh bơka mờ ală đèng gu\ geh uă bơta bal mờ li la ngan bơkàu. Oh H’Noa Knul, ơm tàm [òn U1 chờ hờp yal: “ Geh mè bèp blơi ală bơta phan nàng lơh đèng Trung thu, oh neh lơh jat sră pơlam mờ gơtùi lơh is đèng. Oh geh cèng đèng do nàng lòt nhơl Trung thu mờ ală bơyô tàm ơdu\ mờ ală bơyô tàm [òn.”

H’noa Knul lơh đèng gu\

Oh H’ut Knul, ơm tàm [òn U3, [òn drà Ea T’ling, kơnhoàl Cư Jut pà git, nam do Trung thu chờ hờp rlau tài oh ờ mìng geh tus bal tàm hìu bơsram, hơ\sồng rò àng kơnhai ndar me tàm [òn, nhơl uă bơta chờ bơhìan yau, sa ba` kèu trung thu mờ geh cèng đèng Trung thu mờ ală bơyô. Oh đơs: “ Chờ hờp ngan rlau jơh tàm ngai Trung thu nam do là tơnơ\ mờ tu\ geh nhơl ală bơta chờ, đơs crih tamya, sa ba` kèu den oh mờ jơh ală bơyô tàm [òn bal mờ gơp lòt tàm gùng cèng đèng Trung thu. Oh kơp kờ` Trung thu nam lơi kung bơyai lơh chờ hờp bè do lơm.”

Bal mờ kơnòm dềt gùt càr, rlau 1 rbô nă kơnòm bơsram kai 1 tàm ntum Dak Ru, kơnhoàl Dak R’lâp, càr Daknông kung chờ hờp rò Trung thu mờ ală bơta nhơl chờ đơs crih bal tàm broă lơh “ Àng kơnhai kờ` gơboh” bơh ală cau geh nùs nhơm niam [òn dờng Hồ Chí Minh pơgồp bal mờ mpồl ơruh pơnu Cộng sản Hồ Chí Minh càr Daknông, Anih duh broă làng bol ntum Dak Ru mờ ală hìu bơsram kai 1 tàm ntum bơyai lơh. Tàm broă lơh do, ală oh geh tus bal uă bơta nhơl bơhìan yau bè to plai, đàr ka, to kòng, to sơ lòng, coh plai, pơr lòng lơh đèng gu\, tus bal đơs crih tamya mờ sa ba` kèu. Ală oh gam geh dờp uă ngan phan pà là ba`, kèu, dà lơ ngồt, àu kò, zep… Oh Thị Sim, kơnòm bơsram ơdu\ 5B, hìu bơsram kai 1 Trần Phú, ntum Dak Ru chờ hờp đơs: “ Ngai do tus bal chờ hờp sa tềp Trung thu tàm hìu bơsram oh kờ` ngan, geh nhơl uă bơta chờ, geh sa uă ba` kèu, geh pà phan tai. Kơp kờ` nam tơnơ\ oh pơnjat tai geh nhơl bè do.”

Bal mờ ală chờ hờp bơh broă lơh “ Àng kơnhai kờ` gơboh”, Trung thu do, kơnòm dềt càr Daknông sơlơ chờ hờp rlau tài geh gal ngan mè bèp kơnòm dềt tus sền. Bi ùr Thị Bay, ơm tàm [òn 5, ntum Dak Ru pà git, bi ùr chờ hờp ngan tu\ go\ kòn nhơl uă bơta chờ geh kuơ, geh pà uă phan. Sền kòn `o\, bi ùr tồn lah he kơnòm să wơl. Bi ùr đơs: “ Ngai do jun ală kòn lòt nhơl sa tềp Trung thu bơh hìu bơsram bơyai lơh chờ hờp ngan, sền ală kòn nhơl chờ hờp a` go\ he kung chờ hờp sơl. Di sa tềp Trung thu, kơp kờ` ală kòn gơ lòng sồr, bơsram jak mờ sùm chờ hờp.”

Uă phan Trung thu geh pà kơnòm dềt càr Daknông in

Mò Nguyễn Thị Ngọc, kuang jat jơng cơldu\ sền gàr, sền gròi kơnòm dềt mờ ringbal cau klau cau ùr, gah lơh broă cau ling sồt să mờ mpồl bơtìan càr Daknông pà git, Trung thu nam do, càr geh bơyai lơh 2 broă lơh dờng là broă lơh “ Chờ àng kơnhai ndar me” tàm [òn drà Gia Nghĩa mờ broă lơh “ Chờ hờp sa tềp trung thu” tàm kơnhoàl Dak Song. Bal mờ hơ\, tàm jơh ală [òn ndrờm bơyai lơh broă lơh chờ hờp Trung thu mờ pà phan nàng ală oh geh dùl sa tềp Trung thu ram mhu\. Mìng is 2 broă lơh bơh càr bơyai lơh den geh pà rlau 1 rbô 500 bơnah phan mờ 100 bơnah priă dong kờl bơsram kơnòm dềt rơbah, kơnòm dềt kòn cau sơrlèt gan kal ke bơsram jak mờ priă mut lơh mờr 300 tơlak. Mò Nguyễn Thị Ngọc pà git: “ Ală broă lơh Trung thu kơnòm dềt in den geh 3 tơngume tờm, lài ngan là mblàng yal, lam sồr tơnguh git wă tus mờ ală kơnă gơnoar atbồ tàm [òn lơgar, hìu nhă tàm broă mut lơh gơnoar mờ kơnòl bơh kơnòm dềt dê; dơ\ 2 là bơyai lơh ală broă lơh nhơl `o\, bơto pơlam kơnòm dềt in tus bal sền gàr chài rơgơi kòn cau, ngan là sền gàr ală bơta nhơl chờ bơhìan yau; dơ\ 3 là bơyai lơh pà phan, pà priă dong kờl bơsram kơnòm dềt di hìu nhă rơbah, kơnòm dềt geh rài kis uă kal ke, tiah nhàr lơgar, kơnòm dềt tiah làng bol kòn cau.”

Kơnòm dềt Dak Ru tus bal nhơl Trung thu

Bal mờ bơta sền gròi bơh gơnoar atbồ tàm [òn lơgar, ală mpồl lơh broă gùng dră bal, mpồl bal, ală cau geh nùs nhơm niam mờ hìu nhă, ală oh dềt tàm càr Daknông gam geh rò dùl kàl Trung thu ram mhu\, chờ hờp.

                 Cau cih mờ yal tơnggit K’ Duẩn.