VOV4.K’ho - Anih duh broa\ làng bol càr Daknông pa yal jơnau yal  tơnggit bè bơsong bơh sơnrờp bè bơta gơ lik lìu dà sơnơm tàm hìu ma\y Alumin Nhân Cơ. Pơnjat hơ\,  tu\ 8 jiơ 14’ ngai 23/7, tu\ pờ ma\y lơh broa\ tơ lòng Hìu ma\y Alumin Nhân Cơ di mpồl lơh broa\ trà Daknông neh gơlik geh gơbàn bơcah ding chồl bơh ma\y bồm kiềm. Mo tơnơ\ gơbàn aniai, gah lơh broa\ geh gơnoar  mờ mpồl lơh broa\ trà Daknông neh lơh mo jòi  git bơh tài mờ mut lơh broa\ lơh geh lơh niam wơl. Cồng nha sền dà tàm dà croh Dak Yao tàm ala\ ngai 24, 25 mờ 29/7 drờm geh  tàm bơta khà ai. Tu\ do,  13 na\ cau kis jat gah dà croh Dak Yao gơbàn lơ hò neh  bời,  ờ gơ lời bơta aniai. Gah lơh broa\ geh gơnoar kung ờ hềt geh jơnau đơs lồi dut bơh tài ka chơt tàm dà croh Dak Yao. Ồng Ngô Xuân Lộc kuang atbồ cơldu\ lơh broa\ anih duh broa\ làng bol càr Daknông ai git: “Ai bơh bơta mờng bơh gơbàn do, càr geh lơh niam blàng  ring, bơta jơnhua bơh bơtơt kang kờ` lơh mbè lơi tu\ ròt dà sơnơm do di lah tàm bơta ờ niam ngan den kung geh gàr niam hìu ma\y geh lơh niam mo tơn tềng hơ\”.

          Cau cih mờ yal tơnggit K’ Brọp