VOV4.K'ho - Càr Dak Lak gam lơh mhar broa\ pà 1 rbô tấn phe dong kờl cau  rbah geh tơl bơta nàng sa tềp.

Ngai 28/01, Kuang gơs gơnăp gơnoar atbồ hơđang rlau jơh dà lơgar neh geh kơrnoat dong kờl ai càr Dak Lak in 1 rbô tấn phe nàng dong kờl phe sa tàm dơ\ sa Tềp bơhiàn Bính Thân 2016. Mìng gam dùl e\t ngai tai là tus ngai sa Tềp, den tàng bè hơ\, Anih duh broă làng bol càr Dak Lak sồr ală gah sơnah lơh broă mờ ală tiah tàm càr mhar jun phe tus tam pà ai làng bol in, kờn pal di cau, tơl khà mờ phe pal niam. Mờ ală kơnhoàl kung pơn jat tai kờp sền ală hìu kal ke nàng di tu\ dong kờl, ờ lời hìu bơnhă lơi gơtìp jơgloh tàm dơ\ sa Tềp mờ nhai puh pah nam 2016. Dilah jơnau kờn ngan ngồn uă rlau mờ khà phe neh pà den ngui kes priă tiah he dê nàng rơcang lài blơi phe pà làng bol in.

Cau cih mờ yal tơngi\t- Lơ Mu K’ Yến