VOV4.K’ho- Pa do, ală phan nhơl chờ pơ-rài bồ tơngoh pơgồp bal mờ lơh phan geh is mờ bơta chài rơgơi Dà Làc bơh Công ty Cổ phần Du lịch Lâm Đồng (gam sơnđan là Dalattourist neh geh dờp là “phan geh khà măt kă bro dà lơgar”. Do là bơta pơnyờ să ờ mìng Dalattourist mờ gam là nùs nhơm pơnyờ să bal bơh gah nhơl chờ Dà Làc – Lâm Đồng dê.Cau ai tơng^t jơnau đơs Việt Nam tàm Tây Nguyên neh lùp ồng Nguyễn Nhật Vũ, Phó kuang atbồ Công ty Cổ phần Du lịch Lâm Đồng bè tơngu me do.

-Ơ ồng là dùl tàm124 mpồl lơh sa kă bro geh phan geh dờp “khà măt kă bro dà lơgar” nam 2020, ồng gơtùi tam pà bè broă lơh nàng Dalattourist geh cồng nha do?

Ồng Nguyễn Nhật Vũ: Mùl màl bơh sơnrờp tơngu me lơh bơh công ty dê là tơrgùm jơh ală bơta pràn nàng bơ\t bơtàu Dalattourist gơs mpồl lơh sa lam lài bơh gah nhơl chờ Dà Làc, Lâm Đồng dê đơs is mờ lơgar Việt Nam đơs bal.

                      Tiah nhơl chờ  Lang Biang – anih tus niam bơh Dalattourist dê

Den tàng, Dalattourist ai tơngu me tòm bơh công ty dê là kòn bơnus, den tàng công ty neh sền kuơ broă bơto cau lơh broă geh broă lơh jăk chài, kờ` brồ guh, pin dờn nàng bơ\t bơtàu Dalattourist ngai sơlơ tơnguh bơtàu pràn.

Bơdìh hơ\ tai bol a` sùm wèt broă lơh geh phan nhơl chờ pa nàng di pal mờ broă kờ` bơh cau năc. Công ty geh bơcri priă sùm nàng lơh gơs ală phan nhơl chờ tu\ do, bơto cau lơh broă nàng tơnguh uă bơta pràn bơyai broă atbồ mờ bơta pràn kă bro.

Chồl pràn broă lơh số jơh, ngui công nghệ tàm broă atbồ broă lơh, tơnguh bơtàu ală anih tăc phan online, bơ\\t bơtàu ală broă lơh yal tơng^t tàm internet nàng tơnguh broă lơh tơn mờ cau nă nàng g^t bè gùng dà bal mờ bơta mờng pa bơh cau năc dê, tàm hơ\ uă ngan là tàm bơta kòp Covid-19 bè tu\ do.

Bơta kuơ lơh jăt Dalattourist là hòi jà cau năc tus mờ Dà Làc đơs is mờ càr Lâm Đồng đơs bal ngai sơlơ gal. Ai broă di nùs bơh cau năc lơh tơngu me tòm lài ngan, ai geh uă broă lơh cau lơh broă in, gàr niam ală broă lơh ndrờm bal ai kuang bàng, cau lơh broă in mờ bơ\t bơtàu geh dùl tiah lơh broă tơnguh geh bơta pràn kòn bơnus dê.

-Jăt ồng, geh dờp khà măt kă bro dà lơgar, den geh gơrềng bè lơi tus mờ bơngă mùl màl bơh Dalattourist dê?

Ồng Nguyễn Nhật Vũ: Công ty Cổ phần Du lịch Lâm Đồng – Dalattourist pơnyờ să ngan tu\ geh dờp là phan geh khà măt kă bro dà lơgar Việt Nam dê di tàm dơ\ sơnrờp tơn geh tus bal.

               Dalattourist tơnguh bơtàu nhơl chờ sền kờ` g^t ù tiah mờ bơta chài rơgơi Dà Làc

Bơta do pà go\, bơta niam mờ bơta kuơ ală phan drơng ala mờ bol a` geh cèng wơl neh lơh di nùs cau năc in, mờ geh ală mpồl lơh sa kă bro ndai dờp, pin dờn, kờ` gơboh tàm tơngai do.

Bè he neh g^t, khà măt kă bro geh sền là tơngu me tòm nàng tàm pơrlòng geh cồng nha tàm broă kă bro, kuơ màng là tàm rài lơh sa 4.0 bè tu\ do, dùl nă cau cih văn geh pơnrơ lơgar Mỹ geh jơnau “dùl phan di gơlan gơtìp klar mhar mơya dùl khà măt kă bro geh cồng nha geh kis sùm mờ tơngai”, den tàng Dalattourist sùm sền kuơ mờ tơrgùm jơh ală bơta pràn nàng tơrgùm tơnguh bơtàu khà măt kă bro do.

Broă Dalattourist geh khà măt kă bro dà lơgar geh lơh gơguh bơta pràn mờ bơta kuơ bơh mpồl lơh sa kă bro tàm drà kă bro tus uă dơ\ tơn. Do là tơngu me tòm kuơ màng nàng pờ mpồng bơh Dalattourist tus mờ dà kă bro dunia.

Den tàng gơtùi đơs, “Khà măt kă bro dà lơgar” dong kờl ală mpồl lơh sa kă bro lơgar Việt Nam tơnguh bơta pràn mờ sơrlèt mờ bơta pràn geh. Do là broă tam gơl kuơ màng ngan tàm broă tơnguh bơtàu kă bro, tìp mờ ală drà kă bro dunia kal ke mơya geh uă ngan bơta pràn.

-Ơ ồng, broă geh dờp phan geh khà măt kă bro neh kal ke, mơya kờ` geh sùm mờ gàr niam broă lơh jăt ală bơta kuơ tòm bè “bơta niam-tam gơl pa, bơceh pa-bơta pràn lam lài” bơh broă lơh khà măt kă bro dà lơgar Việt Nam hơ\ sồng là bơta sơlơ kal ke rơlao.

Di bè hơ\, tus do, Dalattourist pal sền kuơ tàm ală broă lơh mùl màl lơi?

Ồng Nguyễn Nhật Vũ: Bơdìh mờ ală bơta niam dờng màng, den di gơlan geh ală bơta tơlòng geh bal. Lơh geh neh kal ke mờ kờ` geh sùm broă tơnguh bơàu den sơlơ kal ke uă rơlao ngan.

Den tàng, Dalattourist bol a` sùm hơ geh bơcri priă nền nòn tus mờ ală bơta phan nhơl chờ-broă drơng ala niam bơh phan geh is neh geh lài, mờ prăp gàr phan geh is bal mờ bơta chài rơgơi, đềt mềr mờ tiah kis, tơnguh bơtàu geh nhơl chờ Dà Làc – Lâm Đồng ngai sơlơ gơs niam mờ jăk chài ngan.

Cèng geh cau năc in uă bơta phan lơh niam bơne\ bơh ală phan nhơl chờ pơgồp bal mờ phan geh is niam, dong kờl cau năc gơlơh g^t mờ wă rơlao tai bè bơta niam ờs mờng bal mờ bơta chài rơgơi niam bơh Dà Làc – Lâm Đồng, Dalattourist – ù tiah geh is là bơta tòm mờ lơh geh bơta kuơ.

-Ơi, dan ưn ngài ồng uă ngan!

Cau cih Quang Sáng- Cau mblàng Ndong Brawl