VOV4.K’ho-Đảng bộ Công ty Ồs đèng Dak Lak neh bơyai lơh geh cồng nha pơrjum dờng cau ala mat dơ\ 6, tơngai lơh broă bơh nam 2020 - 2025. Tàm tơngai lơh broă pa do, Đảng ủy Công ty Ồs đèng Dak Lak neh đơng lam lam lơh jat tơl làm ală kơnòl broă lơh sa kă bro, ai tơl ồs đèng, atbồ mờ ngui gùng che ồs đèng, pơgồp bơnah tàm bơta bơtàu tơnguh lơh sa- mpồl bơtìan; sền gàr bơta lơngap lơngai dà lơgar bơh càr dê. Pơn rơ ngan là khà ồs đèng kă bro gơnguh jat pah nam. Khà năc bơtàu tơnguh pa sùm gơguh uă, kờp bal pah nam gơguh rlau 22 rơbô nă. Công ty neh lời 3 tơmàn 300 tơlak đong nàng lơh jat ală broă lơh gàr tơl niam rài kis mpồl bơtìan.

Tơngai lơh broă bơh nam 2020 - 2025, Đảng bộ Công ty Ồs đèng Dak Lak ai jơnau kờ` gàr tơl đèng drơng jơnau kờ` bơtàu tơnguh lơh sa- mpồl bơtìan- lơngap lơngai mờ sền gàr lơngap lơngai dà lơgar tàm tiah do dê; lơh ngan tơnguh uă bơta niam drơng broă nac in; bơcri bơtàu tơnguh gùng ồs đèng di pal mờ rơndap tap sèng bơh càr dê, lơh pràn ngui công nghệ 4.0; sền gròi broă bơt bơtàu niam chài mpồl lơh sa kă bro.

Cau mblàng K’ Hạnh