VOV4.K’ho- Đảng bộ kơnhoàl Bảo Lâm, càr Lâm Đồng pa sơn đờm mut pơrjum dờng cau ala mat Đảng bộ kơnhoàl dơ\ 6, tơngai lơh broă bơh nam 2020 - 2025. Tàm 5 nam do, mờ bơta tam klăc bal, pơ đơl pràn mờ jơh nùs lơh ngan bơh  jơh gùt Đảng bộ, gơnoar atbồ mờ làng bol ală jơi bơtìan tàm kơnhoàl dê, Bảo Lâm neh geh dùl bơta bơtàu tơnguh pràn kơl dang mờ tơl làm tàm jơh bal ală gah.

Ban Thường vụ Tỉnh ủy Lâm Đồng pà bơkào gờm chờ pơrjum dờng

Đơs đơng lam tàm dơ\ pơrjum dờng, ồng Trần Văn Hiệp - Phó Bí thư Tỉnh ủy Lâm Đồng sồr kơnhoàl Bảo Lâm pal lơh jat niam bơta pràn, bơta kuơ bơh tiah do dê, sền gròi bơtàu tơnguh lơh sa suơn sre công nghệ cao, lơh sa suơn sre hữu cơ, lơh pràn ală broă lơh tam klăc bal lơh gơlik phan bơna, tăc phan lơh geh, bơtàu tơnguh lơh sa suơn sre kơ\ kơl jap; bơtàu tơnguh pràn lơh sa suơn dờng. Bảo Lâm pal lơh gơs rơndap broă lơh atbồ sền gàr brê, lơh ngan kơryan jơnau koh kơl brê, sơ gràm ù brê.

Cau mblàng K’Hạnh