VOV4.K’ho- Tàm 2 ngai (26 mờ 27/8), Đảng bộ kơnhoàl Buôn Đôn, càr Dăk Lăk bơyai lơh Pơrjum dờng cau ala măt dơ\ 6, tơngai lơh broă bơh nam 2020- 2025. Tơngai lơh broă pa do, Đảng bộ, gơnoar ătbồ mờ làng bol ală jơi bơtiàn kơnhoàl Buôn Đôn neh tơrgùm lam lơh jăt geh cồng nha tàm uă gah broă. Khà gơguh lơh sa kờp bal rlau 10% pah nam; kờp jơh priă geh bơh broă lơh sa geh 4 rbô 370 tơmàn đong, gơguh 1,64 dơ\ pơndrờm mờ nam 2015.

Ală cau ala măt pồ Ban Chấp hành Đảng bộ kơnhoàl Buôn Đôn tơngai lơh broă bơh nam 2020- 2025 

Đơs đơng lam pơrjum dờng, ồng Bùi Văn Cường Ủy viên Đảng dà lơgar, Bí thư Tỉnh ủy Dăk Lăk sồr kơnhoàl Buôn Đôn ngui niam jơh ală bơta pràn nàng bơtàu tơnguh lơh sa- mpồl bơtiàn, bè: lam lơh bơtàu tơnguh lơh broă sa sươn sre geh lơh dờng, ngui công nghệ cao tàm broă lơh sa; gơhòi gơ jà bơcri priă tàm gah lơh broă sa sươn sre; hòi jà bơcri priă, tơnguh tai yal tơngi\t nhơl chờ.

Pơrjum dờng neh pồ Ban Chấp hành Đảng bộ kơnhoàl Buôn Đôn khoá 6 geh 37 nă kuang bàng. Ồng Ya Toan Ênuôl pơn jăt tai geh pơrjum dờng pin dờn pồ ăt gơnoar broă Bí thư Huyện ủy Buôn Đôn, tơngai lơh broă bơh nam 2020- 2025.

Cau mblàng Lơ Mu K’Yến