VOV4.K’ho- Tàm 2 ngai, 22 mờ 23/7, Đảng bộ Mpồl ling sền gàr tiah nhàr lơgar càr Dăk Nông bơyai lơh Pơrjum dờng cau ala măt dơ\ 4, tơngai lơh broă bơh nam 2020- 2025, bal mờ bơta geh măt bal bơh 134 nă cau ala măt ngan ngồn tus bơh 19 mpồl đảng gơ wèt bal dê.

Tơngai lơh broă bơh nam 2020- 2025, bal mờ jơnau đơs “làng bol lơh tờm, tam klăc, duh rơngòt adat boh lam, jơh nùs jai pha”, Đảng bộ Mpồl ling sền gàr tiah nhàr lơgar càr Dăk Nông pơn jăt tai tơnguh uă pràn jak đơng lam, pràn tam lơh, lơh ngan jơh nùs bơ\t bơtàu mpồl pràn kơldang kơ\ kơl jăp tơl ală bơta, sền gàr kơ\ kơl jăp gơnoar tờm, ù tiah dà lơgar, lơngăp lơngai tiah nhàr lơgar bơh Dà lơgar dê. Mpồl kuang bàng, ngan là kuang bàng đơng lam ală kấp geh bơ\t bơtàu geh nùs nhơm kơ\ dơn, pràn jak đơng lam, lam lơh jăt niam kơnòl broă, lơh geh jơnau sồr geh jàu.

Pơrjum dờng do neh pồ Ban Chấp hành Đảng bộ Mpồl ling sền gàr tiah nhàr lơgar càr Dăk Nông khoá 4, tơngai lơh broă bơh nam 2020- 2025 geh 16 nă kuang bàng. Đại tá ồng Phạm Mạnh Tiến, Chính ủy Gah đơng lam Mpồl ling sền gàr tiah nhàr lơgar càr Dăk Nông pơn jăt tai geh pồ ăt gơnoar broă Bí thư Đảng ủy Mpồl ling sền gàr tiah nhàr lơgar càr khoá 4, tơngai lơh broă bơh nam 2020- 2025.

Cau mblàng Lơ Mu K’Yến