VOV4.K’ho- Kàl prang bồ sơnam pa nam do, Đảng mu\t tàm sơnam 91, tàm dùl nùs nhơm dờng màng ngan: Pa lơh gơs kơnòl broă kơn jơ\ ngan tềng đăp Đảng, tềng đăp làng bol tu\ rơndăp nền jơnau kờ`, gùng dà ai dà lơgar in tàm gơl gùng lòt tềng đah đăp, tu\ neh săc rwah geh mpồl kuang bàng đơng lam bồ jak chài ngan, ngac ngar ngan, sac rwah geh cau tề lam, đơng lam nàng bal mờ jơi bơtiàn sơrlèt gan kal ke, bơta lòng, cih tai ală pang sră kah yau khin cha jak chài tàm rài 21.

Đảng 91 nam lơh tềl bơh dùl dơ\ Pơrjum dờng màng, bơh nùs nhơm mờ bơta pràn “ờ hềt tu\ lơi geh” bơh dà lơgar dê, bơh bơta pin dờn làm uă bơh ală rơnàng làng bol dê, mờ bơta ki ngàm mờ sền ngềr bơh gơ\p bơyô dunia dê.

Dơ\ pơrjum dờng màng: Pơrjum dờng cau ala măt gùt lơgar dơ\ XIII bơh Đảng Cộng sản Việt Nam dê dùl dơ\ tai đơs nền, gùng lòt mờ Đảng sac rwah nàng tề lam jơi bơtiàn Việt Nam mờr dùl rài do là gùng lòt dùl lơm di, dipal mờ bơta pal jăt ờ gơtùi pleh klàs, dipal mờ bơta geh ngan lơgar Việt Nam dê mờ gùng dà bơtàu tơnguh bơh tu\ tơngai dê. Tàm gơl gùng hơ\, mat Việt Nam neh gơ gơs là bơta pơryah ai dùl jơi bơtiàn geh bơta kơlôi mờ bơta kơ\p kờ` ngan brồ guh pràn kơldang, tơngo\ bơh ală cồng nha dờng ngan, geh bơta kuơ kah yau bơh dà lơgar dê tơnơ\ 35 nam lơh jăt broă lơh tam gơl pa…

Kuơmàng, tu\ dunia kung gam nrơt ndơl mờ kòp Covid-19, tu\ bơta tam lơh, bơta tàm gơjra` mờ bơta ờ kơ\ kơl jăp chính trị gơlik geh tàm uă tiah tàm kơnhoàl ù tiah do, tàm ală lơgar rềp bal mờ tàm dunia, Việt Nam kung gam kơ\ kơl jăp lơngăp lơngai sơl, kung gam ntàu kơ\ sơl, kơ\ dơn kơryan kòp nàng gơ gơs là dùl tàm dùl êt ngan ală lơgar tàm dunia geh khà gơguh lơh sa… Cồng nha pal pơ`ìơ să ngan hơ\ là bơta tơrgùm bal pràn, dùl nùs bal bơh mờr 100 tơlak nă làng bol dê, tàm hơ\ bơta đơng lam bơh Đảng dê là jơnau khà dùl, geh bơta kuơ lơh nền.

Ală cồng nha lơh geh pơnrơ ngan tàm bơtàu tơnguh lơh sa, mu\t gơrờm bal mờ dunia mờ kuơmàng là tàm dơ\ tam lơh chơ\t kis mờ bơta kòp bơtờp gùt plai ù neh lơh Pơrjum dờng cau ala măt gùt lơgar dơ\ XIII bơh Đảng Cộng sản Việt Nam dê gơ gơs là broă tờm sền gròi ngan bơh mpồl bơtiàn dunia dê. Pơrjum dờng ờ mìng cih dờp khà kờp uă ngan rlau jơh bơh lài tus tu\ do bè sră pơyua, điện gờm chờ bơh gơ\p bơyô làm gùt ù tiah tàm dunia dê mờ gam geh gah mblàng yal jơnau mờ cau jak dunia dê sền gròi ngan, sền Việt nam là jơnau nàng “gi\t jơnau ndơ\p ndơr”. Dilah gơ\p bơyô duia lời ai Việt Nam in bơta pin dờn, bơta jờng rơ uă bơngă pin dờn dunia bơh Việt Nam dê bơh bơta đơng lam bơh Đảng Cộng sản dê den mpồl cau jak chài den sền gròi wơl tus ală gùng dà broă lơh bơtàu tơnguh lơh sa, gùng dà lơh broă mờ lơgar ndai, bơta kơ\ kơl jăp chính trị- mpồl bơtiàn, gùng dà broă lơh kơrnoat boh lam ătbồ mpồl bơtiàn, bơta pin dờn bơh làng bol dê lời ai gơnoar ătbồ in, bơta niam ngan bơh Chủ nghĩa Xã hội dê mờ Việt Nam gam ting jăt…

Mpồl bơtiàn dunia ndrờm pin dờn là, Pơrjum dờng Đảng dơ\ XIII bơh Việt Nam dê là tềl kah kuơmàng, rơndăp gùng dà nàng bơtàu tơnguh Việt Nam pa tàm dùl tu\ tơngai pa. Việt Nam geh lơh geh cồng nha bơh bơta đơng lam bơh Đảng dê, tài bơh jơnau kah yau neh tơngo\ loh, Đảng Cộng sản Việt Nam là dùl mpồl cau geh bồ tơngoh kơlôi sơnơng kơ\ dơn, geh bơta pràn jak tam dră mờ jơh ală bơta kal ke nàng lơh geh jơnau kờ` neh ai tơlik. Ală kơrnoat bơh Đảng dê ngan ngồn geh làng bol Việt Nam dùl nùs bal tài bơh ală kơrnoat hơ\ đơs wơl jơnau kờ` tờm bơh Đảng dê lơh ai rài kis tàm Việt Nam in pas gơs mờ lơngăp lơngai chờ hờp.

Bơta lơh ngan jơh nùs tam dră sa kuề sa kùa kung là tềl kah mờ geh să tờm Tổng Bí thư đơs nền: Dơ\ tam dră do ờ hềt tu\ lơi ơm rlô. Đảng Cộng sản Việt Nam tàm rlau 90 nam ăt gơnoar neh ờ dùl êt dơ\ ơm tềng đăp ală bơta lòng dờng ngan. Tu\ bơtàu tơnguh lơh sa drà kă bro mờ mu\t gơrờm bal jrô ơnàng làm uă, Đảng dờp “dùl bơnah ờ dùl êt” nă kuang bàng neh tam gơl nùs nhơm, gơplơ\ gơhu\c nùs nhơm, lòt sơlơ\u wơl mờ bơta pin dờn bơh làng bol dê, tàm hơ\ geh ală kuang bàng kấp dờng màng. Ờ dùl êt nă cau “tam gơl is”, “lơh gơlik geh is” mờ lơh roh te\ he tu\ lơi kung ờ go\ gi\t sơl. Ală jơnau bơsram jê sồt muăt jrùm bơh tơngai lơh broă khoá XII dê p do sơlơ đơs nền bơta lơh ngan jơh nùs lơh sàng goh Đảng, sàng goh mpồl kuang bàng tàm tơngai lơh broă tus. Bơta lơh ngan jơh nùs do geh tơngo\ tơn tàm tơngume bơh pơrjum dờng dê, tàm jơnau đơs sơnđờm mu\t pơrjum mờ dơ\ tơn jơh pơrjum bơh ồng Nguyễn Phú Trọng Tổng Bí thư, Chủ tịch lơgar dê mờ tàm ală jơnau cih đơs tàm Pơrjum dờng dê.

Jăt mờ hơ\, dơ\ tam dră sa kuề sa kùa bơh cau lam bồ Đảng lam lơh geh ờ go\ tu\ lơi “ơm rlô”, ờ tu\ lơi dơrcul nùs halà lơh rơle\ wơl. Mìng geh bơta lơh ngan jơh nùs lơm là ờ hềt tơl mờ gam mờ bơh broă lơh gơs ală jơnau cih bơh Đảng, gùng dà broă lơh kơrnoat boh lam bơh Dà lơgar dê tai nàng ai mpồl kuang bàng ală kấp ờ geh “tu\” nàng gơ tu\p tìs. Mìng geh bè hơ\ den hơ\ sồng gàr kơ\ bơta pin dờn tàm làng bol, lơh kơ\ kơl jăp gơnoar broă đơng lam bơh Đảng dê tài bơh gam bơta pin dờn den gam Đảng, gam bơta pin dờn den gam rài ătbồ mờ sơlơ\u wơl.

Tàm dơ\ pơrjum báo tơnơ\ tu\ tơn jơh dơ\ Pơrjum dờng, ồng Nguyễn Phú Trọng Tổng Bí thư, Chủ tịch lơgar neh lời ală jơnau đơs jơh nùs jơh tồr ngan bơh nùs tồr he dê bồ tơngoh he dê nàng đơs bè dơ\ tam dră sa kuề sa kùa. Dùl đah đơs nền bơta lơh ngan jơh nùs tam dră sa kuề sa kùa ờ geh tiah kơryan, ờ go\ ơm rlô, dùl đah ồng kung kờ` nting tơngkah tus mpồl kuang bàng đơng lam bồ ală kấp in là, “Cau lơi kung kờ` phan bơna, kờ` priă jền. Mơya, bơngă pin dờn den hơ\ sồng là bơta king cru\ mờ dờng màng ngan rlau jơh. Do là dơ\ tam dră gam jo\ jòng, bòl glar, krà` cê jơh nùs. Bol he pa rơ\p tơrmù, kơryan geh dùl bơnah lơm. Dilah ờ bơsram tàp den kal ke ngan gơtùi pleh klàs bơta pơn jồ mờ gơtìp gơtu\p tìs”.

Jơnau kah yau rlau 90 nam ăt gơnoar bơh he dê, Đảng neh 13 dơ\ bơyai lơh pơrjum dờng mờ kơnòl broă dờng màng ngan bơh pah dơ\ pơrjum dờng dê là pồ geh mpồl kuang bàng jak chài ngan nàng đơng lam dà lơgar lơh jăt ngan ngồn ală gùng dà broă lơh, Kơrnoat bơh Pơrjum dờng dê.

Pơrjum dờng dơ\ XIII bơh Đảng dê neh jơh lơh broă pồ 200 nă Kuang bàng tàm Đảng Dà lơgar, pồ geh Bộ Chính trị, Ban Bí thư, Ủy ban Sền swì Đảng Dà lơgar…Kuơmàng, pơrjum dờng dùl dơ\ tai ơn bơta pin dờn tu\ pồ cau lam bồ Đảng là ồng Nguyễn Phú Trọng Tổng Bí thư, Chủ tịch lơgar. Do kung là nam dơ\ 10 ồng ăt gơnoar broă do kờp bơh bồ tơngai lơh broă khoá XI tàm nam 2011. Tềng đăp Đảng, tềng đăp làng bol, ồng Nguyễn Phú Trọng Tổng Bí thư sùm đơs là, să tờm ồng den ờ gơtùi lơh geh bơta lơi dilah ờ geh bơta kờ` bal, dùl nùs bal, tam klăc bal bơh Ban Chấp hành Đảng dà lơgar dê. Bơta tam klăc tàm Đảng geh lơh gơlik geh bơta tam klăc tàm mpồl bơtiàn.

Broă ồng Nguyễn Phú Trọng Tổng Bí thư geh pồ tai ờ mìng đơs wơl bơta pin dờn bơh làng bol dê gơ wèt mờ cau lam bồ niam ngan, pơndềt să ngan, bơr đơs gơlòt jăt bal mờ broă lơh mờ gam tơngo\ bơta kơ\p kờ` tàm pơn jăt ală gùng dà broă lơh bơtàu tơnguh lơh sa kơ\ dơn nùs nhơm, bơceh pa, tàm pơn jăt dơ\ tam dră sa kuề sa kùa neh krà` cê jơh nùs sơlơ krà` cê jơh nùs rlau tai.

Tơl dùl tu\ tơngai kah yau, dà lơgar kờ` tai ală cau kòn kah yau. Dilah bè ồng Nguyễn Văn Linh Tổng Bí thư lài do geh đơs tus là Tổng Bí thư bơh Tam gơl pa dê den tu\ do, dơ\ tam dră sa kuề sa kùa nàng lơh sàng goh Đảng geh gơ jăt bal mờ rùp să muh mat bơh ồng Nguyễn Phú Trọng Tổng Bí thư, Chủ tịch lơgar dê. Mờ bơta kơ\ nùs mờ bơta mờng chài tàm broă lơh, 10 nam do, ồng neh bal mờ mpồl kuang bàng Bộ Chính trị mờ Ban Chấp hành Đảng dà lơgar đơng lam dà lơgar lơh gơs uă cồng nha crih crài ngan tàm bơta bơtàu tơnguh lơh sa mờ mu\t gơrờm bal mờ dunia.

Tàm khà 200 nă kuang bàng tàm Đảng Dà lơgar khoá pa geh 120 nă cau pồ wơl, 80 nă pa pồ gơkờn dơ\ sơnrờp. Khà kuang bàng tàm Đảng dà lơgar sơnam bơh 51- 60 sơnam geh khà jơnhoa ngan rlau jơh bal mờ 124 nă, hơđơm 50 sơnam geh 40 nă mờ rlau 60 sơnam geh 16 nă. Bè hơ\, khà cau tàm sơnam “pràn kơldang” kung gam geh khà uă sơl, uă cau neh mờ gam lơh jăt kơnòl broă “Bí thư kấp ủy ờ go\ di là cau tàm tiah hơ\” nàng kờ` tề lam, bơsram tàp mờ lòng.

Tàm tu\ tơngai dunia pa bal mờ dơ\ tam gơl bơh bơta yau gơ gơs bơta pa lơh sa mờ măy mok dơ\ 4 gam geh lơh pràn kơldang, dà lơgar gam kờ` ală cau kơnòm să, geh bơto bơtê tàm lơgar mờ bơdìh lơgar, gi\t wa\ sơrbac mhar ală bơta gơguh jak bơh jak chài măy mok dê…Den tàng bè hơ\, Ban Chấp hành Đảng dà lơgar khoá pa geh gơn kơnờm kơ\ kơl jăp pràn kơldang, kơ\ dơn nùs nhơm mơkung tam gơl pa, bơceh pa nàng lam dà lơgar bơtàu tơnguh mhar tàm ală nam tus. Ờ dùl êt nă cau gơn kơnờm “dùl Việt Nam guh ntàu mhar” bơh bơta pràn jak tề lam bơh mpồl kuang bàng đơng lam bồ pa dê.

91 nam Đảng dê, làng bol ơn jơh bơta pin dờn kờ` gơboh!

Cau cih VOVnews- Cau mblàng Lơ Mu K’Yến