VOV4.K’ho- Bơsram mờ lơh jat nùs nhơm, bồ tơngoh, rài kis mờ broă lơh jak bơh Chủ tịch Hồ Chí Minh dê neh gơ gơs là srơh geh lơh làm uă tàm uă tiah tàm càr Gialai, ngan là bơh tu\ Bộ Chính trị geh chỉ thị sồ 95 bè “Lơh pràn bơsram mờ lơh jat nùs nhơm, bồ tơngoh, rài kis mờ broă lơh jak bơh Bác Hồ dê”. Làng bol, kuang bàng, cau geh đảng tàm càr gam lơh jat dơ\ lam sồr bal mờ uă broă lơh geh kuơ ngan ngồn.

Gùng Sư Vạn Hạnh, tàm [òn 4, sơnah [òn Hội Thương, [òn dờng Pleiku là dùl tàm ală anih geh gal hìu bơnhă kuang bàng jơh sơnam lơh broă. Sền gùng lòt dờng ơnàng ngan, rơndăp tăp sèng, jơh tơl nă cau gi\t geh bơta gơrềng bơh ală kuang bàng dùl rài gam kis tàm tiah do dê. Ồng Lê Đình Hoè, là dùl nă kuang bàng neh jơh sơnam lơh broă, nam do 72 sơnam, pà gi\t: Nàng geh gùng bè do, hìu bơnhă ồng bal mờ uă kuang bàng, cau geh đảng tàm do neh lam lài ai ù ai rơndăp broă lơh ơnàng mờ lơh niam wơl mờ dà lơgar bơcri priă lơh. Tàm hơ\, mìng is hìu ồng Hoè pà rlau 120 thơk vuông ù. Cau geh Đảng lòt lài, làng bol jat tơnơ\, rơndăp broă lơh mhar ngan geh lơh gơs, cèng wơl muh mat pa niam bơne\ ngan ai jơh tơl nă in. Ồng Lê Đình Hoè, đơs:

“Đảng, Dà lơgar bơcri priă tàm gùng do den geh kuơ tàm broă lơh sa, mpồl bơtiàn mờ geh kuơ ai hìu bơnhă he dê in tai. Gùng do lài do hat hal ngan, lòt rê ngòt rơngơ\t ngan. Tu\ do, lơh ơnàng gùng là niam ngan. Gùng dà dipal den tàng he lơh jat is, mờ do kung là kơnòl bơh cau geh đảng dê tai, pal lam lài”.

Ồng Nguyễn Sáu, Bí thư Chi bộ [òn 4, sơnah [òn Hội Thương, [òn dờng Pleiku pà gi\t, rơndăp broă lơh ơnàng mờ lơh niam wơl gùng Sư Vạn Hạnh geh lơh bơh nhai 11 nam 2016 lài do. Rơndăp broă lơh gùng lòt neh gơlòt mu\t tàm bă ù bơh 109 hìu bơnhă làng bol gơ wèt [òn 4. Nàng lơh gùng geh cồng nha, broă iat kơno làng bol đơs geh lơh niam ngan. Kuơmàng kơnờm bơta lam lài, lòt lài bơh ală cau geh đảng dê tàm [òn ơm kis, ai is ù nàng lơh gùng. Ồng Nguyễn Sáu, đơs bè do:

“Lài ngan, gi\t cau geh đảng mờ kuang bàng gam at gơnoar broă, jơh sơnam lơh broă là cau pal lam lài, lơh lài ntrờn phan bơna hìu đam, ai ù lài, jat tàm broă lơh hơ\, làng bol đòm jat mờ lơh jat is. Bơh lam sồr den jơh ală làng bol tàm 2 gah gùng Sư Vạn Hạnh do ndrờm dùl nùs bal uă ngan. Tàm 109 hìu làng bol den 107 hìu làng bol ai ù nàng jàu ù ai rơndăp broă lơh ơnàng mờ lơh niam wơl gùng, gam 2 hìu den sồr dong kờl lơh wơl hìu nàng ơm, tài bơh gùng gơ mu\t tus 1/3 hìu bơh khi dê”.

Jat mò Võ Thị Hằng, Phó Bí thư Đảng ủy, Kuang atbồ Ủy ban Nhân dân sơnah [òn Hội Thương, [òn dờng Pleiku, tơngai bơh nam 2015 tus tu\ do, tàm ù tiah sơnah [òn dê lơh uă rơndăp broă lơh bơ\t bơtàu kuơmàng bơh càr mờ [òn dờng dê. Ală rơndăp broă lơh ndrờm gơrềng tus uă hìu làng bol mờ bơta tơm wơl priă ai ù nàng lơh broă là uă ngan. Jat jơnau bơto sồr bơh Bác Hồ dê, kơnòl broă bulah kal ke tus kàr lơi, dilah geh làng bol dong kờl den kung lơh geh sơl, Đảng ủy sơnah [òn neh crơng gơs mpồl đơng lam, mpồl lam sồr bơh tơl tu\ tơngai rơndăp broă lơh, tơl gơl gùng dê. Ală ban, mpồl lam sồr geh kơnòl broă jòi gi\t bơta gơlik geh, jơnau kơlôi sơnơng bơta kơ\p kờn bơh làng bol dê, bơh hơ\ lam sồr hòi jà tơl hìu. Mò Võ Thị Hằng, đơs:

“Bơsram mờ lơh jat nùs nhơm bồ tơngoh, rài kis mờ broă lơh jak bơh Bác Hồ dê den Đảng ủy sơnah [òn neh geh broă rơndăp lơh mờ bơyai lơh mblàng yal uă tàm jơh ală kuang bàng, công chức kung bè làng bol. Tàm ală nam pa do, den sơnah [òn sền dờng màng broă lơh mblàng yal, lam sồr làng bol dùl nùs bal mờ gùng dà broă lơh bơh [òn dờng dê nàng ai ù lơh broă. Tus tơngai do, rơndăp broă lơh gùng Sư Vạn Hạnh mờ gùng Phan Đình Giót geh tus rlau 155 hìu neh ring bal pà ù, phan bơna hìu đam bơh hìu bơnhă dê nàng ai ù lơh gùng, jàu ù ai broă lơh in nàng lơh gùng”.

Ồng Nguyễn Tài, Kuang atbồ Ban Tuyên giáo Đảng ủy [òn dờng Pleuku pà gi\t: Lơh pràn bơsram mờ lơh jat nùs nhơm, bồ tơngoh, rài kis mờ broă lơh jak bơh Bác Hồ dê tàm ù tiah [òn dờng Pleiku geh sền dờng màng tơn bơh [òn lơgar. Bal mờ ală dơ\ pơrlòng bè tơngume bơsram, lơh jat ơnà jak Bác Hồ dê, [òn dờng Pleiku tơrgùm tàm ală tơngume bơtàu tơnguh mhar. Broă bơsram mờ lơh jat nùs nhơm, bồ tơngoh, rài kis mờ broă lơh jak bơh Bác Hồ dê gơ jat bal mờ lơh jat ală kơnòl broă chính trị bơh [òn lơgar dê, bè: bơcri priă, lơh bơka niam wơl ală broă lơh phan bơna tiah drà tus nam 2020; sơlơ lơh tai broă atbồ sền gàr lơngăp lơngai tiah drà mờ rơndăp tăp sèng bơ\t bơtàu tàm ù tiah [òn dờng dê; bơ\t bơtàu [òn lơgar pa bal mờ bơta lơh ngan jơh nùs lơh jơh tàm nam 2017 do. Ồng Nguyễn Tài, Kuang atbồ Ban Tuyên giáo Đảng ủy [òn dờng Pleiku, pà gi\t:

“Lam lơh jat Chỉ thị sồ 05 bơh Bộ Chính trị dê gơ jat bal mờ Broă rơndăp lơh sồ 28 bơh Ban Thường vụ Đảng ủy càr dê bè lam bơsram mờ lơh jat nùs nhơm, bồ tơngoh, rài kis mờ broă lơh jak bơh Bác Hồ dê, den bơh hơ\, broă bơsram mờ lơh jat Bác Hồ neh lơh gơ rề uă tus tàm jơh gùt ù tiah [òn dờng dê. Tàm hơ\, krơh pơnrơ jak là mpồl Đảng ủy sơnah [òn Hội Thương. Sơnah [òn neh lơh niam ngan tàm srơh, tàm dơ\ lam sồr làng bol pà ù, lơh ơnàng gùng”.

Sền dờng màng bơh [òn lơgar mờ bơh ală broă lơh ngan ngồn, loh làng, geh kuơ ngan gơ jat bal mờ bơta bơtàu tơnguh bơh [òn lơgar dê neh dong [òn dờng Pleiku lơh geh uă cồng nha niam bơne\ tàm srơh bơsram mờ lơh jat nùs nhơm, bồ tơngoh, rài kis mờ broă lơh jak bơh Bác Hồ dê jat jơnau cih tàm Chỉ thị sồ 05 bơh Bộ Chính trị kơnă XII dê. Do là bơnàng jă kuơmàng ngan nàng [òn dờng tam gơl să jan brồ guh, dipal là tiah drà tàm gùl bơh tiah đah tô Tây Nguyên dê!

Cau cih mờ yal tơngi\t- Lơ Mu K’ Yến