VOV4.K’ho- Ngai 17/12, tàm [òn dờng Pleiku, càr Gia Lai, Đảng ủy Quân Cảng Sài Gòn, Ban Tuyên giáo 6 càr: Gia Lai, Kon Tum, Dăk Nông, Hậu Giang, Bình Dương, Thanh Hoá bơyai lơh Pơrjum sền wơl broă lơh pơgồp bal mblàng yal dà lềng bồt bơlào nam 2020 mờ ki\ hơ broă rơndăp lơh pơgồp bal lơh jăt tàm nam 2021.

Jăt jơnau yal tàm dơ\ pơrjum, bulah gơtìp gơrềng tài bơh kòp Covid-19, nam 2020, Đảng ủy Quân Cảng Sài Gòn neh pơgồp bal niam mờ Ban Tuyên giáo, ală tiah tàm 6 càr, bơyai lơh mblàng yal bè gơnoar tờm ù tiah dà lềng bồt bơlào ai rlau 14 rbô 300 nă cau in; mblàng yal bè Chỉ thị sồ 45 bơh Thủ tướng Chính phủ dê bè kơryan ờ ai lơh khăt dùl broă lơh ka lơi tìs mờ kơrnoat boh lam ai rlau 3 rbô 700 nă làng bol lơh ka in.

Pơrjum lơh nền, nam 2021, broă pơgồp bal mờ 6 càr tàm mblàng yal bè dà lềng bồt bơlào geh lơh jăt tơl làm rlau. Ờ mìng ală cau mblàng yal dà lềng bồt bơlào, kuang bàng cau ling bơh Quân Cảng Sài Gòn tus bal ală broă lơh mblàng yal bơyai lơh tàm ală tiah, mờ geh lam ală mpồl tàm ală tiah lòt còp ală anih gam lơh kơnòl broă sền gàr dà lềng bồt bơlào.

Cau mblàng Lơ Mu K’Yến