VOV4.K’ho- Ală nam do, bơh bơta đơng lam, ătbồ bơh ală kấp ủy Đảng, gơnoar ătbồ dê, ală đảng viên cau Rơđê, cau geh bơngă pin dờn tàm làng bol kòn cau tàm kơnhoàl Cư Mgar, càr Dăk Lăk dê neh lơh niam gơnoar broă he dê, pơgồp bơnah lơh geh bơta tam gơl niam ngan tàm bơtàu tơnguh lơh sa- mpồl bơtìan, kuơmàng là srơh bơ\t bơtàu [òn lơgar pa tàm bàr pe [òn làng bol kòn cau.

{òn Kroa B, xã Cuôr Đăng là [òn pơnrơ lơh geh uă tam gơl bơh broă lơh bơ\t bơtàu [òn lơgar pa. Ờ mìng lơh mờ bê tông ală gùng lòt tàm [òn, ală gùng bơkàu lơh niam ai [òn in lơm mờ ală jơnau mpờl go\ niam ngan bè bơtàu tơnguh lơh sa mpờl go\ loh làng ngan tàm tơl hìu. {òn geh 480 hìu bơnhă, lài do geh rlau 70 hìu bơnhă r[ah, tu\ do mìng gam 21 hìu bơnhă r[ah lơm. Cồng nha do geh bơta tă pơgồp bal pràn đơng lam bơh Chi bộ [òn Kroa B dê. Chi bộ geh 14 nă đảng viên ndrờm là cau Rơđê lơm.

Tơngai do, Chi bộ neh lơh niam gơnoar broă lơh krơh, lam lài bơh đảng viên dê tàm broă tam gơl rơndăp tăp sèng chi tam, phan ròng, đòm jăt ngui bơta jak chài pa tàm broă lơh sa cèng wơl cồng nha lơh sa uă. Y Nghiêl Êban tàm [òn hòi là bàp H’Ngap, Phó Bí thư Chi bộ [òn Kroa B sùm mblàng yal hòi jà đảng viên tàm chi bộ tam gơl bơta kơlôi sơnơng, broă lơh, bơ\t bơtàu ală broă lơh bơtàu tơnguh lơh sa, ròng phan geh cồng nha. Bơh hơ\, chi bộ sồr ală mpồl cau pơgồp bal mblàng yal, hòi jà làng bol tam gơl bơta mờng quèng lơh sa. Tus tu\ do, jơh 100% ală hìu bơnhă tàm [òn ndrờm gi\t đòm jăt broă tam tàm bơrlu\ bal ală sơntìl chi tam geh cồng nha mờ priă jền uă bè tiêu, sầu riêng, bơ tàm sươn kơphê; blơi ală sơntìl kơnrồ, be rê ròng tơrgùm bal dùl bă tiah…

Phó Bí thư Chi bộ [òn Kroa B ồng Y Nghiêl Êban đơs bè do: Là dùl nă Đảng viên tàm [òn sùm hòi jà làng bol ba` iăt jăt jơnau bơchồt, pơrlồm bơh ală cau gơjra` kơuềng dê. Den tàng tàm [òn ờ go\ geh cau lơi iăt jăt bol iơh mờ dô gan nhàr lơgar tìs mờ kơrnoat boh lam. A` neh mblàng yal uă ngan tàm [òn jăt gùng dà broă lơh bơh Dà lơgar dê. He là cau kis mờ làng bol den tàng pal lơh ngan, lơh krơh niam lài.

 Y Đhiăm Ayun (bàp Nghiêm) ơm tàm [òn Tu, xã Ea Tul, kơnhoàl Cư Mgar, càr Dăk Lăk là dùl nă đảng viên geh uă broă lơh ngan tàm broă hòi jà làng bol tus bal bơ\t bơtàu [òn lơgar pa. Y Đhiăm Ayun yal, là dùl nă đảng viên mờ là cau geh bơngă pin dờn tàm thôn tai den tàng ồng kơlôi, kờ` đơs gơtùi mờ làng bol, să tờm he sùm pal lơh ngan lơh sa nàng lơh krơh ai làng bol in. Pah nam hìu bơnhă ồng lơh geh pơgăp 400 tơlak priă bơh 2 lồ kơphê tam tàm bơrlu\ bal mờ ală tờm chi sa plai, bè: sầu riêng, bơ, tiêu mờ ròng tai sur, kơnrồ. Ồng neh hòi jà làng bol tàm [òn tam klac bal, bơtàu tơnguh lơh sa. Lài do, hìu bơnhă r[ah tàm [òn geh tus 50%. Nam do tàm 216 hìu bơnhă, gam wơl 15 hìu r[ah lơm.

Bàp Nghiêm pà gi\t: Tàm jơh ală broă, a` lơh lài jơh nàng ai [òn he dê in bơtàu tơnguh. A` dong làng bol pơlam gùng tàm bơtàu tơnguh lơh sa. Tam tàm bơrlu\ bal ală tờm chi tam cèng wơl priă jền lơh sa uă. Bơdìh hơ\ tai, a` kung mblàng yal ai làng bol in gi\t sền gàr tam klac bal tàm [òn, rcăng ngac kơrhia lài tềng đăp bơta pơrlồm bơh ală bol gơjra` kơuềng dê sơmờm broă jăt yàng nàng tam dră mờ lơh aniai dà lơgar. Làng bol tàm [òn kung neh pơgồp bal ngai lơh broă, priă jền nàng lơh rlau 2 kơi sồ gùng lòt mờ bê tông

H’Bo Êban ( mè Danh) deh nam 1984 là dùl nă đảng viên gam kơnòm să tàm [òn Cuôr Đăng B, xã Cuôr Đăng, kơnhoàl Cư Mgar, càr Dăk Lăk. Tài bơh sơnam gam kơnòm, H’Bo sùm lơh jăt niam ngan rlau jơh nùs nhơm lơh broă dong kờl is, tơryăng tơryồng, ngac ngar, bơceh pa nàng di tu\ jòi gơlik geh ală gùng dà broă lơh gơtùi lơh jăt ngan ngồn tàm rài kis pơgồp bơnah tơnguh uă cồng nha tàm broă lơh. Hòi jà ală bơyô kơnòm să tàm [òn tàm sơm băt tê bal bơ\t bơtàu [òn lơgar pa, bơ\t bơtàu rài kis niam chài, pleh ngài mờ ală bơta niam ma túy tàm [òn, sền gàr bơtàu tơnguh rài kis niam chài bơh kòn cau he dê.

H’Bo pà gi\t: Là dùl nă đảng viên gam kơnòm să, lài ngan a` kung mblàng yal ai làng bol in kis jăt di gùng dà broă lơh bơh Đảng mờ kơrnoat boh lam Dà lơgar dê. Hòi jà ală bơyô ơruh pơnu dong kờl bal pràn bơ\t bơtàu [òn lơgar pa. Hòi jà jơh tơl nă cau tam bơkàu, pơs wàs lơh sàng goh tiah ơm kis…A` kung hòi jà ală bơyô kơnòm să lơh ngan bơsram sră, pơlam tàp nàng tơnơ\ do geh rài kis niam rlau.

Cư Mgar tu\ do geh mờr 5 rbô nă đảng viên, tàm hơ\ rlau 1 rbô nă đảng viên là cau kòn cau, geh tus 20,3%. Mờ jơnau đơs “Đảng viên lòt lài, làng bol [òn lơgar jăt tơnơ\”, uă đảng viên cau Rơđê tàm kơnhoàl Cư Mgar, càr Dăk Lăk neh lơh niam ngan gơnoar broă lam lài, lơh krơh tàm bơtàu tơnguh lơh sa- mpồl bơtiàn, bơ\t bơtàu [òn lơgar pa, lơh geh bơta tam gơl niam ngan tàm rài kis phan bơna, nùs nhơm, pơgồp bơnah lơh kơ\ kơl jăp bơta pin dờn đah làng bol gơ wèt mờ Đảng.

Cau mblàng Lơ Mu K’Yến