VOV4.K’ho – Mờ nùs nhơm tam pà ntờc mhàm pơrhê jàu pà bơta kơp kờ`, rlau 15 nam do, bi Đào Anh Hải, cau lơh broă Kong ti Xổ số kiến thiết càr Lâm Đồng neh 30 dơ\ ai is mhàm. Mờ ală tă pơ gồp jơh nùs tài mpồl bơtìan, bi pa geh jờng rơ là cau ai is mhàm geh pơn rơ gùt lơgar dơ\ 14 nam 2020.

Nam 2004, bi Đào Anh Hải, cau lơh broă Kong ti Xổ số kiến thiết càr Lâm Đồng dơ\ sơn rờp tus bal ai is mhàm. Bi yal, tu\ pa ai mhàm den bi kung ờ suk ngan, ngòt lơh aniai tus pràn kơldang să jan. Geh ală y bác sĩ mblàng yal mờ bơh jòi git bơh ală sră nggal, tơ nơ\ dơ\ sơn rờp ai is mhàm, bi git broă ai mhàm ờ mìng niam ai pràn kơldang să jan să tờm in mờ gam gơtùi dong ua\ cau tai. Bơh hơ\, pah nam bi ndrờm tus bal ai is mhàm 2 dơ\. Bi yal: “Bơta sơ nơng a` dê là dùl ntờc mhàm geh pà, dùl rài kis geh ơm wơl, go\ ntờc mhàm he dê gơtùi tus mờ cau kòp, dong kis khi a` gơ lơh chờ hờp ngan. A` sùm sơ nơng là să tờm gam pràn den geh pơn jat tai ai is mhàm dong kờl cau. A` neh hòi jà tai làng bol gùt dar, oh mi tàm hìu bơnhă tus bal ai is mhàm nàng geh tai mhàm dong kờl cau kòp”.

Bi Đào Anh Hải tàm dơ\ jờng rơ cau ai is mhàm gùt lơgar

Nùs nhơm ai is mhàm bi dê neh gơ rề tus ală cau gùt dar. Ồng Nguyễn Đức Việt, Chủ tịch Hội đồng quản trị Kong ti xổ số kiến thiết càr Lâm Đồng pà git, bơh broă lơh să tờm bi Hải dê neh lơh gơlik srơh ai is mhàm tàm kong ti: “Srơh ai is mhàm dong kờl cau tàm kong ti Xổ số kiến thiết càr Lâm Đồng neh geh bơh jo\. Mờ pah nam geh pơgap bơh 45 tus 50 dơ\ cau tus bal ai is mhàm. Kong ti sùm ai bơta niam bè tu\ tơngai nàng oh mi in tus bal mờ cih dờp ală tă pơ gồp bơh ală cau geh cồng nha geh pơn rơ dê tàm srơh ai is mhàm”.

Jat ồng Đỗ Hoàng Tuấn, Chủ tịch Hội Chữ thập đỏ càr Lâm Đồng đơs, ală cau geh pơn rơ jak bè bi Đào Anh Hải neh pơ gồp bơnah dong càr bơt bơtàu geh cồng nha srơh ai is mhàm drơng broă sơm cau kòp in: “Bi Hải neh tus bal ai is mhàm, tă pơgồp jơh nùs ngan ai srơh ai is mhàm bal bơh jơh gùt càr dê, dong gah lơh sơ nơm geh tơl mhàm tàm broă cấp cứu mờ sơm kòp. Bi là dùl tàm ală cau pơn rơ jak nàng ală cau ndai in đòm jat”.

Broă lơh niam bơh bi Hải dê – cau neh 30 dơ\ ai is mhàm pal geh sền ngềr ngan.

Cau mblàng K’Duẩn