VOV4.K’ho - Tus pơrjum ngai cau lơh pơgru Việt Nam (20/11), tàm hìu bơsram Học viện Chính trị Dà lơgar Hồ Chí Minh, ồng Phạm Minh Chính, Uỷ viên Bộ Chính trị, Bí thư Trung ương Đảng, kuang atbồ mpồl bơyai broă Dà lơgar đơs tòm pal tơnguh bơtàu hìu bơsram Đảng tơl ală bơta, di pal mờ hìu bơsram cèng măt sơnđan Chủ tịch Hồ Chí Minh geh pơnrơ ngan dê.

Bơh 71 nam bơ\t bơtàu mờ tơnguh bơtàu, uă rơnàng ală cau pơgru, cau jăk chài bơh hìu bơsram Học viện Chính trị Dà lơgar Hồ Chí Minh neh dờng pràn sùm. Geh bơsram tàp mờ tơlòng tàm mùl màl, mpồl cau pơgru tàm hìu bơsram do neh ai tơngo\ ală nùs nhơm niam, bơta pràn bơh cau ngăc ngar kăc màng dê, pơgồp bal tàm broă di pal ngan tàm broă bơ\t bơtàu mờ sền gàr dà lơgar.

Đơs tàm pơrjum tơnkah, ồng Phạm Minh Chính sồr pơn jăt tai bơ\t bơtàu hìu bơsram Học viện Chính trị Dà lơgar Hồ Chí Minh gơs anih tòm kơlôi sơnơng lý luận dà lơgar dê; anih tòm bơto kuang bàng chính trị Đảng, Dà lơgar dê; là anih tòm tam gơl pa, bơceh pa gơwèt mờ gah bơto bơtê mờ bơsram đơs bal mờ kuơ màng ngan là gơwèt mờ broă bơto bơtê kuang bàng Đảng dê.

Cau mblàng Ndong Brawl