VOV4.K’ho - Di sơnam pa Ất Mùi 2015, ngai òr 12/02, mpồl đơng lam Đảng, mpồl duh broă ala mat làng bol, anih duh broă làng bol, anih duh broă gah tề lam gùng dră bal dà lơgar càr Dak Nông neh bơyai lơh tìp mat kuang bàng dờng màng càr dê. Đơs tàm dơ\ tìp mat, ồng Trần Quốc Huy kuang atbồ đơng lam Đảng càr Dak Nông neh cih dờp, đơs niam ală tă pơ gồp tàm broă lơh bơtàu tơnguh lơh sa mpồl bơtiàn, sền gàr dà lơgar, sền gàr ngap lơngai, bơt bơtàu Đảng, mpồl lơh broă gùng dră bal bơh mpồl kuang bàng dờng màng càr dê. Di sa tềp Ất Mùi, ồng Trần Quốc Huy neh pơyua jơnau ưn ngài tus mpồl kuang bàng, cau geh Đảng, cau lơh broă sa priă nhai dà lơgar, cau lơh gơlik phan bơna, cau lơh broă mờ ală rơnàng làng bol tàm càr neh tă pơ gồp bal bơta pràn, 1 nùs bal, tryang tryồng lơh broă lơh sa, tài bơta bơtàu tơnguh bơh càr dê, nting săp ală kuang bàng mờ hìu nhă, sơnam pa geh pràn kơldăng, ngap lơngai, pas gơs. Di tu\ do, càr Dak Nông pà phan mpồl kuang bàng dờng màng neh jơh sơnam lơh broă, cau ling yau in.