VOV4.K’ho - Digơlan, drim hìng 25/02, tàm Hà Nội, dơ\ pơrjum 35, Anih duh broă sùm Gơnuar ala mat dà lơgar kơnă XIII, geh ngan ngồn mu\t pơrjum. Dơ\ pơrjum do, geh lời uă tu\ jiơ ai broă lơh adăt boh lam, Anih duh broă sùm Gơnuar ala mat dà lơgar geh cribơyai mờ tă pơ gồp jơnau đơs bè ală bơta dờng gam geh jơnau đơs krơi is bơh ală rơndăp lơh adăt te\ khà pồ kuang ala mat Gơnuar ala mat dà lơgar mờ kuang ala mat Mpồl duh broă ala mat làng bol; Adăt phan geh is, tiah ơm kis dà lềng mờ bồt bơlào; Adat kes priă dà lơgar tam gơl; ai jơnau đơs bè ală rơndăp lơh adăt lùp jơnau đơs làng bol; adăt bơyai lơh anih lơh broă lùp khàu lơh tìs glài ku\p jàm mờ adăt ku\p ing, jàm ing. Tàm dơ\ pơrjum do, Anih duh broă sùm Gơnuar ala mat dà lơgar geh ai jơnau đơs tus mờ ờ uă tơngume kuơmàng bè gùng dà bơcri priă lơh rơndăp broă lơh Blàng rơndeh par dunia Long Thành; rơndăp cih broă rơndăp lơh lam lơh ală sră nggal bơto pơlam lơh jăt adăt bơyai lơh Gơnuar ala mat dà lơgar; gùng dà broă lơh tam pà priă jền rơcăng lài priă tăc sră tềm pềr priă gơnuar atbồ lơgar tơngai bơh nam 2011- 2015.