VOV4.K’ho- Bộ Kuang àng pa pơgồp bal mờ ală bộ, gah broă lơh geh gơ rềng bơyai lơh ai cau pơlam tàp rơndap broă sền gàr pơrjum dờng dơ\ 13 bơh Đảng dê.

Đơs đơng lam tàm dơ\ bơyai lơh, ồng Trần Quốc Vượng - Ủy viên Bộ Chính trị, Thường trực Ban Bí thư đơs niam bơta lơh ngan bơh mpồl kuang àng làng bol dê neh rơcang lài pơgồp bal mờ mpồl ling mờ ală bộ, gah broă lơh geh gơ rềng bơyai lơh ai cau pơlam tàp mờ lam lơh ală broă lơh sền gàr lơngap lơngai, ờ do ờ dă drơng pơrjum dờng dơ\ 13 bơh Đảng dê.

Ồng Trần Quốc Vượng sồr, ală mpồl pal tơnguh nùs nhơm geh kơ nòl, sền gàr lơngap lơngai, ờ do ờ dă pơrjum dờng, sền gàr Đảng. Tiểu ban sền gàr lơngap lơngai, ờ do ờ dă Bộ Kuang àng pơn jat tai pơgồp bal jơh nùs mờ ală bộ, gah broă lơh, ală tiah lơh sir ală rơndap broă sền gàr, bơsong ală broă gơlik geh kal ke; hòi jà bơta pràn tơrgùm bal bơh jơh gùt mpồl chính trị, jơh gùt làng bol sền gàr pơrjum dờng dơ\ 13 bơh Đảng dê.

Cau mblàng K’Duẩn