VOV4.K’ho- Tàm dơ\ Pơrlòng “Rơnàng kơnòm să bơceh pa” gùt lơgar nam 2020 geh lơh tàm mang ngai 29/11, tàm Hìu bơsram Đại học dà lơgar Hà Nội, Mpồl ơruh pơnu Cộng sản Hồ Chí Minh dà lơgar bơyai lơh dơ\ jờng rơ, jàu khà jờng Rơnàng kơnòm să bơceh pa gùt lơgar mờ tơn jơh dơ\ Pơrlòng rơnàng kơnòm să bơceh pa gùt lơgar nam 2020. Ồng Trần Thanh Mẫn Bí thư Đảng Dà lơgar, Chủ tịch Ủy ban Mặt trận dà lơgar Việt Nam bal mờ kuang bàng đơng lam bồ ală bộ, gah, sơnah lơh broă dà lơgar tus bal.

Bơh rlau 240 sră nggal broă bơ\t bơtàu, gùng dà broă lơh, phan bơna bơceh pa bơh ơruh pơnu kơnòm pa tàu kơnòm dềt dê tus bal sền swì săc rwah jàu Khà jờng, Đoàn Ơruh pơnu Cộng sản Hồ Chí Minh dà lơgar neh săc rwah jàu khà jờng ai 37 broă bơ\t bơtàu, broă lơh, phan bơna bơceh pa jak ngan geh ngui tàm broă bơsram sră, broă lơh, lơh broă lơh sa. Ồng Trần Thanh Mẫn sồr Đoàn ơruh pơnu Cộng sản Hồ Chí Minh dà lơgar pơn jăt tai lơh tơngkah, hòi jà mờ ngui pràn kơldang rlau tai bồ tơngoh jak, pràn kơnòm să, pràn bơceh pa bơh ơruh pơnu dê; rơcăng lài pơgồp bal mờ ală mpồl, cau dùl nă să is, mpồl lơh sa kă bro nàng ai ală jơnau kơlôi sơnơng bơceh lơh geh ngui tàm rài kis ngan ngồn.

Cau mblàng Lơ Mu K’Yến