VOV4.K’ho – Mang òr 6/9, tàm Trung tâm Phát thanh dà lơgar, hìu sồ 58, gùng Quán Sứ, [òn dờng Hà Nội, Anih jơnau đơs Việt Nam yu\ rơyùm bơyai lơh dờng ngan Dơ\ tơngkah 72 nam Ngai crơng gơs (7/9/1946- 7/9/2017) mờ Dơ\ jàu khà jờng Jơnau đơs Việt Nam dơ\ dùl.

Đơs tàm dơ\ bơyai lơh, ồng Nguyễn Thế Kỷ, Kuang atbồ dờng Anih jơnau đơs Việt Nam neh yal wơl ală tu\ tơngai crơng gơs mờ bơtàu tơnguh bal mờ ală cồng nha lơh geh pơnrơ ngan tàm sùm 72 nam do bơh Anih jơnau đơs Việt Nam dê.

Tu\ do, Anih jơnau đơs Việt Nam là anih lơh báo dùl lơm tàm gùt lơgar geh tơl 4 gah báo: báo đơs, báo rùp, báo in, báo điện tử. Anih jơnau đơs Việt Nam kung là anih lơh báo dùl lơm geh dùl mpồl đơs crih tam ya, tu\ do sơnđan là Hìu đơs crih Jơnau đơs Việt Nam bal mờ uă cau bơceh jơnau đơs crih, cau đơs crih, cau pơlam lơh, nghệ sĩ tiơng pơnrơ, geh uă cau geh pà khà jờng Hồ Chí Minh, Khà jờng Dà lơgar bè Văn học Nghệ thuật, sră jờng rơ NSND, NSƯT…

Gơ ơm tàm dùl ròt ală broă lơh tơngkah 72 nam ngai crơng gơs Anih jơnau đơs Việt Nam, nam do, dơ\ sơnrờp Anih jơnau đơs Việt Nam bơyai lơh Khà jờng Jơnau đơs Việt Nam kờ` jờng rơ ală cau cih, mpồl cau cih báo geh ală jơnau cih, broă lơh jak ngan bè sră báo, văn học nghệ thuật, kỹ thuật, công nghệ, kơlôi sơnơng jak chài, ală mpồl cau, cau dùl nă să geh broă tă pơgồp jơh nùs tàm broă bơceh cih, lơh, ală cau pơnrơ đơs jơnau, cau pơlam đơs jơnau jak ngan. Bơh hơ\, pơgồp bơnah pơn jờng, jờng rơ bơta bơceh pa, tam gơl pa kờ` tơnguh jơnhoa bồ tơngoh jak chài tàm broă lơh ờs mờng, cồng nha mblàng yal jơnau bơh Anih jơnau đơs Việt Nam dê.

Cau cih mờ yal tơngi\t- Lơ Mu K’ Yến