VOV4.K’ho– Mang ngai 7/10, tàm Hà Nội, Mpồl tam klac ală mpồl git gơp lơh bơyô Việt Nam bơyai lơh tơngkah kir sơnrai 25 nam ngai crơng gơs git gơp lơh broă bal đah Việt Nam mờ Mỹ. Tus bal dơ\ tơngkah geh Phó Thủ tướng Chính phủ, ồng Vũ Đức Đam, Đại sứ Mỹ tàm lơgar Việt Nam, ồng Daniel J.Kritenbrink, Chủ tịch ală Mpồl git gơp lơh bơyô bal Việt Nam, mò Nguyễn Phương Nga mờ kuang bàng 2 lơgar.

25 nam do, git gơp lơh broă bal tơl làm đah Việt Nam mờ Mỹ ngai sơlơ bơtàu tơnguh jrô ơnàng mờ ngan ngồn, bơh chính trị, lơh broă bal, lơh sa, kă bro, sền gàr dà lơgar, sền gàr lơngap lơngai tus khoa học, công nghệ, lơh sơnơm, bơto bơsram. Kă bro 2 lơgar gơguh ua\ rlau 170 dơ\ kờp bơh nam 1995, geh mờr 80 tơmàn dolar Mỹ. Di tu\ do, Phó Thủ tướng Vũ Đức Đam đơs nền, Việt Nam geh pơn jat tai bal mờ đah lơgar Mỹ rề ơnàng, lơh niam rlau tai git gơp lơh broă bal tơl làm đah 2 lơgar.

Cau mblàng K’Duẩn