VOV4.K’ho – Drim òr 28/8, tàm Hà Nội, Ủy ban Mặt trận Dà lơgar Việt Nam, Bộ Khoa học mờ Công nghệ, Tơrgùm ală mpồl khoa học mờ kỹ thuật Việt Nam bơyai lơh Dơ\ yal sră vàng bơceh pa Việt Nam nam 2017 mờ lam lơh srơh tàm pơrlòng “Tam klac bal bơceh pa, tơnguh jơnhoa cồng nha lơh geh, bơta niam, geh cồng nha, mu\t gơrờm bal mờ dunia”.

Đơs tàm dơ\ bơyai lơh, Thủ tướng Nguyễn Xuân Phúc đơs niam ngan mờ jờng rơ ală cau tờm bơceh lơh bơh 72 broă lơh, broă bơceh lơh geh sac rwah tàm sră vàng bơceh pa Việt Nam nam 2017. Thủ tướng đơs là, do là ală broă gơ wèt ală broă lơh sa, mpồl bơtiàn gam geh Đảng, Dà lơgar tơrgùm ai lài bơtàu tơnguh, bè lơh broă sa sươn sre, lơh sơnơm, bơtàu tơnguh phan bơna, pràn jak lơh geh wơl, tam gơl trồ tiah, sền gàr dà lơgar lơngăp lơngai…

Thủ tướng kung jờng rơ mờ đơs niam ngan Ủy ban Mặt trận Dà lơgar Việt Nam neh lam lơh srơh tàm pơrlòng “Tam klac bal bơceh pa”, lơh jat geh kuơ ngan tơngume tàm pơrlòng “Tam klac bal, bơceh pa, tàm pơrlòng bơ\t bơtàu mờ sền gàr Dà lơgar”.

Cau cih mờ yal tơngi\t-Lơ Mu K’ Yến