VOV4.K’ho – Dơ\ chu sơm pòl ồs ndu gơn rơh Tân Trào ngan ngồn geh bơyai lơh drim òr, 30/8 tàm tiah tềl kah yau gơlang yau Thăng Long, Hà Nội. Dơ\ rò sơm pòl ồs ndu gơn rơh bơh tiah tềl kah yau dà lơgar kuơ màng Tân Trào  rê prap gàr tàm tiah tềl kah yau tàm gùl gơlang yau Thăng Long là broă lơh sơn đờm tus ròt broă lơh tơngkah 71 nam ngai kac màng nhai 8 pha lin mờ sơn tờm dà lơgar 2/9 bơh broă lơh sơma` ngap lơngai is.

Jat mờ hơ\, mang ngai 16/8, tàm hìu duh khoai Tân Trào, ntum Tân Trào, kơnhoàl Sơn Dương, càr Tuyên Quang, sơm pòl ồs neh geh ala mat hìu nhă geh màng mờ dà lơgar mờ ală cau dờng sơnam ntum dê mut lơh bơhìan chu sơm pòl ồs mờ jàu sơm pòl ai ala mat cau kơnòm să in. Broă lơh do geh pơrya ai ồs bơhìan yau mờ ràng tơlik nùs nhơm kah ưn ngài Bác Hồ mờ ală rơnàng kac màng lài do, jàu rơnàng kơnòm să in pơnjat tai sòl àng sơm pòl ồs kac màng bơh bèp ồng dê.

Sơm pòl ồs geh pơnjat tai chu àng tàm gơlang Thăng Long tus ngai 2/9. Kung tàm tơngume broă lơh sơma` ngap lơngai is, gam geh ràng tơlik rùp tàm tiah tềl kah yau gơlăng Thăng Long, yal uă ngan rùp, bơta git wă kah yau bè broă tam lơh ai ngap lơngai is bơh jơi bơtiàn dê, bơt bơtàu mờ sền gàr dà lơgar tàm tơngai pa. Tơn jơh ròt broă lơh là broă lơh đơs crih tamya niam ngan “ Sơma` ngap lơngai is” bơyai lơh ngai 1/9 tàm hìu đơs crih Âu Cơ, [òn dờng Hà Nội.

              Cau cih mờ yal tơnggit K’ Duẩn.