VOV4.K'ho -  Lơh chờ kơphe Buôn Ma Thuột dơ\ 6, bal mờ pơrlòng  chài rgơi cing mồng Tây Nguyên nam 2017 mờ pơrjum mut lơh bơcri tàm Tây Nguyên dơ\ 4 geh bơyai lơh tàm [òn dờng Buôn Ma Thuột, càr Daklak neh lơh geh cồng nha niam bơne\ ngan. Bơh ala\ broa\ lơh tàm chờ,  làng bol, mpồl lơh sa ka\ bro kung bè mpồl đơng lam bơyai lơh drờm kơp kờ` cèng geh cồng nha ua\ bơta ngan, bè lơh sa, chài rgơi, mpồl bơtìan  tàm Daklak mờ Tây Nguyên.

            Kung bè git nđờ rhiang hìu nha\ làng bol tam kơphe tàm càr Daklak, 54 hìu nha\ tàm [òn Ako Dhông, sơnah [òn Tân Lợi, [òn dờng Buôn Ma Thuột chờ hờp ngan mờ dơ\ lơh chờ kơphe geh bơyai lơh 2 nam dùl dơ\.

            Đềt mềr, ơm kis tàm ù tiah geh sền la tiah tam ua\ ngan rlau jơh kơphe,  làng bol tàm do wa\ loh ngan bơta kuơ bơh kơphe cèng wơl tus rài kis khi dê. Kung kơnờm bơh pria\ tac geh bơh plai kơphe, làng bol tàm [òn Ako Dhông geh pria\ jền bơcri bơt bơtàu, sền gàr ala\ hìu jòng hơđang bơhìan yau, sền gàr  bơhìan chài rgơi bơh mò pàng  yau lời wơl kờ` drơng lơh nhơl chờ. Den tàng, mờ làng bol tàm do dơ\ lơh chờ kơphe la broa\ lơh chờ, kung la tu\ nàng hìu nha\ geh tai pria\ jền, lo\ H’ Wiêt Bya\, kis tàm [òn Ako Dhông, sơnah [òn Tân Lợi, [òn dờng Buôn Ma Thuột, càr Daklak ai git:‘’Chờ ngan la dơ\ lơh chờ geh jờng làng bol cau lơh kơphe, hơ\ sồng geh dong  làng bol cèng bơta kuơ kơphe, cèng bơta kuơ lơh sa kung bè la rài kis dong làng bol bơtàu tơnguh rài kis bơtàu tơngguh rlau. Tàm [òn geh bơyai lơh chờ rac dan kờ` mìu niam nhàc niam tềng tơnau dà bơt [òn Ako Dhông, hơ\ sồng cing mồng nàng sền gàr chài rgơi bơh kòn cau Rơđê, kung bè ala\  kòn cau ndai’’.

            Dơ\ lơh chờ kơphe Buôn Ma Thuột dơ\ 6,  mờ pơr lòng chài rgơi cing mồng Tây Nguyên nam do geh lơh bơh ngai 8 tus 13 nhai 3. Mờ sơnđan  ‘’Bơtòm trơ gùm bal bơta  niam chài,  Chồl guh bơhìan chài rgơi,  tam klac bal bơtàu tơngguh’’, dơ\ lơh chờ neh  geh tus rlau 230 mpồl lơh sa ka\ bro, 1.200 cau lơh broa\ sa tam kơphe jak ngan tus bơh 10 càr tam kơphe gùt lơgar,geh: Sơn La, Điện Biên, Quảng Trị, Đồng Nai, Bình Phước, Kontum, Gia Lai, Daknông, Lâm Đồng mờ Daklak. bal mờ hơ\ geh pơgap di 400 na\ cau chài bơhìan yau tus bơh 5 càr Tây Nguyên, bal mờ càr Quảng Nam mờ ala\ mpồl  đơs crih tam ya chài rgơi  ala\ lơgar Campuchia, Lào, Rumani, Hàn Quốc.

            Dùl tàm  ala\ bơta tờm ngan bơh dơ\ lơh chờ la drà ràng tơlik gah kơphe geh bơyai lơh tam dơlam blàng bơh  Bảo tàng Biệt Điện, gơ hòi geh gal ngan cau nac mờ làng bol [òn lơgar tus lòt sền. Do la broa\ lơh  gơ ơm tàm broa\ lơh mut lơh ka\ bro dà lơgar, la tu\ niam  kờ` ala\ mpồl lơh sa ka\ bro yal  rùp rài, mat sơnđan mờ tơngguh cồng nha bơta kuơ tus phan  bơh kơphe. Ồng Bùi Huy Sơn, Cục trưởng Cục mut lơh  ka\ bro Bộ Kông Thương ai git:‘’Ua\ nam do, broa\ lơh do neh la dùl broa\ lơh geh ai go\ kuơ màng ngan bơh broa\ lơh mut lơh ka\ bro dà lơgar, ngan la nam do mờ la dùl drà  gah kơphe neh lơh geh dùl bơta pa bè broa\ lơh mờ bơta tus bal bơh rlau 700 anih ràng phan. Do la dùl cồng nha ai go\ pal cih dờp ngan tài gơ geh ai go\ bơta sền gròi, gơ hòi ngan tus mờ ala\ cau bơcri, ala\ mpồl lơh sa ka\ bro tàm lơgar mờ bơh lơgar cau’’.

            Bal mờ dơ\ mut lơh mờ tơnjơh, lơh chờ kơphe Buôn Ma Thuột dơ\ 6 mờ pơr lòng chài rgơi cing mồng Tây Nguyên geh 9 broa\ lơh dờng, geh bơyai lơh tàm [òn dờng Buôn Ma Thuột, kơnhòal Lak mờ kơnhòal Buôn Đôn.

            Jat Mpồl đơng lam bơyai lơh, do la dơ\ lơh chờ sơnrờp bơh càr Daklak geh mpồl bơtìan lơh bal tơl jơh mơya gam gàr niam broa\ lơh dờng mờ geh pơrya ngan ngồn. Neh geh pơgap di 40 mpồl lơh sa ka\ bro pơrgon dong kờl, tàm hơ\ geh 8 cau dong kờl trà,  3 cau dong kờl biàng mờ 5 cau dong kờl kim kương, dong  pria\ jền ndang mờ mut lơh ờ ua\ broa\ lơh tờm bơh dơ\ lơh chờ. Ồng Nguyễn Hải Ninh, Phó chủ tịch Ủy ban nhân dân càr Daklak, atbồ mpồl bơyai lơh chờ, ai git:‘’Bol a` geh sền kuơ ngan tus broa\ lơh mblàng yal jơnau,  yal tơnggit jơnau geh lơh lài dùl cơnđòa. Bal mờ broa\  mblàng tàm ala\ gah ai tơnggit jơnau, bol a` gam lơh pràn mblàng pơlam tàm ala\ gah ai  tơnggit online den tàng geh bơta  cau git ua\ dờng ngan tus ala\ cau. Bè tơnggu me, bol a` geh jàu broa\ nền nòn mờ loh làng mờ geh bơta  geh lơh bal bơh ala\ gah, jơh ala\ broa\ lơh bơh lơh chờ drờm geh gàr geh lơh niam. Bè broa\ drơng broa\ lơh, ala\  hìu nac tàm càr ờ tơngguh pria\, gàr niam phan sa, gàr niam ngap lơngai ờ do ờ da\ tàm càr...’’

            Mờ bơta lơh bal 3 tàm dùl ‘’Dơ\ lơh chờ kơphe Buôn Ma Thuột dơ\ 6 bal mờ pơrlòng chài rgơi cing mồng Tây Nguyên nam 2017 mờ pơrjum mut lơh bơcri tàm Tây Nguyên dơ\ 4, pơgon geh cèng wơl cồng nha ua\ gah ngan bè lơh sa, chài rgơi, mpồl bơtìan Daklak đơs is mờ Tây Nguyên đơs bal tàm tơngai tus.

                                    Cau cih mờ yal tơnggit K’ Brọp