VOV4.K’ho - Drim òr (9/2), tàm càr Nam Định, neh lơh geh dơ\ bơyai lơh chờ tơng kah dờng ngan 110 nam ngai deh Tổng Bí thư Trường Chinh- cau bơsram jak ngan bơh Chủ tịch Hồ Chí Minh; cau neh dùl rài kis lơh  broa\ tus rài bơtàu tơngguh  jơi bơtìan,  trơgùm dùl dà lơgar, bơt bơtàu sền gàr dà lơgar Việt Nam Xã Hội Chủ Nghĩa. Ồng Trường Chinh mat tờm la Đặng Xuân Khu deh ngai 9/2/1907 tàm dùl hìu nha\  cau bơsram jak kờ` gơboh dà lơgar tàm [òn Hành Thiện, xã Xuân Hồng, kơnhoàl Xuân Trường, càr Nam Định. Mờ la cau 3 dơ\ geh lơh Tổng Bí thư, rlau 20 nam la kuang geh jơng tàm Bộ chính trị, geh ai lơh ua\ ngan broa\  lơh tờm dờng bơh Đảng, Dà lơgar, bulah tàm broa\ lơh lơi bu\ gơ, ồng sùm geh jơh nùs lơh broa\ tài Đảng, Dà lơgar, tài làng bol, kơl jap tềng tơl kal ke, bơta lòng. Ờ mìng la cau lơh broa\ chính trị, cau cri bơyai jơnau,  cau lơh broa\ kac màng, ồng Trường Chinh gam la dùl  cau lơh bao\,  cau cih jơnau nri\, cau văn hoa\ dờng ngan.

            Atbồ, cau atbồ Đảng mờ Dà lơgar lài do tus bal dơ\ lơh chờ tơng kah 110 nam ngai deh Tổng  Bí thư Trường Chinh.

                                                Cau cih mờ yal tơnggit K’ Brọp