VOV4.K’ho - Ală nam do, mpồl ling sền gàr tiah nhàr dà lơgar càr Daklak neh lơh niam broă cribơyai mờ ală mpồl sền gàr tiah nhàr lơgar càr Mundulkiri, lơgar Campuchia, pơgồp bal sền gàr gùng nhàr lơgar, `jrong tồt, kơryan bơta mut lik, dô gan tiah nhàr dà lơgar tìs mờ kơrnuat boh lam, sền gàr tiah nhàr lơgar ngap lơngai, kơ\ kơljap, bơtàu tơnguh. Cau ai tơngit jơnau đơs Việt Nam tàm Tây Nguyên geh jơnau yal bè dùl dơ\ lòt sền pơgồp bal bơh ală kuang bàng, cau ling pôs ling sền gàr tiah nhàr dà lơgar Yok Đôn, càr Daklak mờ mpồl ling Đại đội 3, tiah ling klàng càr Mundulkiri, lơgar Campuchia, sền gàr tiah nhàr dà lơgar:

Di 7 jiơ drim, Trung tá Đặng Văn Thân, atbồ pôs ling mblàng kơnòl mpồl lòt sền bơh pôs ling sền gàr tiah nhàr dà lơgar Yok Đôn dê, lòt tus tiah tơr gùm bal tàm tiah nhàr dà lơgar. Tàm tiah tơr gùm đơm brê dờng, Trung tá Đặng Văn Thân, drơng broă mpồl lòt sền bơh pôs ling Yok Đôn dê, mờ Đại úy Him So Phát, drơng broă mpồl lòt sền Đại đội 3, tiểu đoàn 103, ling klàng càr Mundulkiri, lơgar Campuchia yal ală cau tàm tơl mpồl ling in, mờ mblàng tơngume rơndap broă lòt sền 2 gah neh geh Gah đơng lam bồ mpồl ling sền gàr tiah nhàr lơgar càr Daklak mờ kuang atbồ ling klàng càr Mundulkiri ki\. Dơ\ lòt sền bal do, 2 gah lòt sền gơl gùng nhàr lơgar bơh `jrong tồt sồ 47 đah lơgar Việt Nam dê tus `jrong tồt sồ 47 đah lơgar Campcuhia dê, ală bă tiah jat kềng gah dà croh Dak Dam tàm gùng nhàr lơgar bal jòng mờr 15 kơi sồ.

Gùng nhàr lơgar Việt Nam mờ Campcuhia tiah do lòt jat gùng hòr tờm bơh dà croh Dak Dam dê. Tàm tiah do, 2 lơgar ringbal tồt `jrong bal tềng 2 gah dà croh Dak Dam. Đah bơ ti\ mattơngai lik dà croh là `jrong tồt 47 sồ 2, ơm tàm ù tiah lơgar Việt Nam dê; mờ đah bơ ti\ mattơngai mut dà croh mờ `jrong tồt 47 sồ 1, ơm tàm ù tiah lơgar Campuchia dê. 2 nơm `jrong tồt geh lơh tàm nam 2007, ndrờm mờ lu\ hoa cương.

Tàm `jrong tồt 47 sồ 2 đah lơgar Việt Nam dê, mpồl sền gròi 2 lơgar mut lơh bơhìan chào `jrong tồt, mờ sền gròi, pờ tơlik àng đèng sòl sền gròi gùt dar `jrong tồt.

Nhai prang, dà croh Dak Dam soat dà, mơya dà hòr kung gam `hăng ngan. Ală pơnai\ lu\ mpờl ntiar ngan. Kuang bàng, cau ling mpôgl lòt sền 2 lơgar pal tàm at tê nàng tiă ngan dà croh. Ngài đah đang bơh `jrong tồt 47 sồ 2 tus hờ `jrong tồt 47 sồ 1 là 157 thơk, mơya pal mờr 1 jiơ, hơ\ sồng mpồl sền gròi 2 lơgar gơtùi tus `jrong tồt 47 sồ 2. tàm do, mpồl sền gròi 2 gah kung mut lơh bơhìan chào `jrong tồt, sền gròi mùl màl tơl bơta mờ pờ đèng sòl sền gròi.

Lik lòt bơh `jrong tồt 47 sồ 1, mpồl sền gròi 2 gah pơnjat tai lòt sền ală bă tiah jat kềng gah dà croh Dak Dam jòng mờr 15 kơi sồ.

Tiah nhàr lơgar tàm nhai prang trồ tơngai duh ngan. Mpồl lòt sền jơh tă dà croh pal lòt jơng tàm brê. Ală tu\ ơm rlô lơyah ngan đơm brê dờng, kuang bàng, cau ling mpồl lòt sền 2 gah tam pà mờ gơp tơl `tờc dà mrềt sàng kloh.

Tơn jơh dơ\ lòt sền 2 gah kung là tu\ trồ neh mho. Đơm brê gle neh kra, mpồl lòt sền 2 gah cih sră nggal, ai geh mờng chài, mơkung ringbal tơngai dơ\ lòt sền tơnơ\. Bè cồng nha dơ\ lòt sền 2 gah, Trung tá Đặng Văn Thân, atbồ pôs ling sền gàr tiah nhàr lơgar Yok Đôn đơs“ Mpồl sền gròi 2 gah bol he neh bơyai lơh lòt sền, mut lơh di jat rơndap broă. Broă lòt sền, sền gròi gùng nhàr lơgar, `jrong tồt, ală bă tiah mpờl go\ ờ gơtìp aniai. Bè hơ\, bol he gơtùi đơs tờm, gơl gùng nhàr lơgar bal bơh 2 gah dê tàm tơngai lài là geh gàr niam ờ do ờ dă.”

Đại uý Him So Phát, drơng broă mpồl lòt sền Đại đội 3, tiểu đoàn 103, ling klàng càr Mundulkiri, lơgar Campuchia kung đơs tờm: Băng:

“ Kơnờm bơta pơgồp bal niam đah 2 mpồl tàm gùng nhàr lơgar đơs is kung bè kơnă càr đah mpồl ling sền gàr tiah nhàr dà lơgar càr Daklak mờ càr Mundulkiri, 2 gah neh gàr kơ\ gơnoar tờm ù tiah bơh tơl lơgar dê, sền gàr niam `jrong tồt, ală bă tiah mpờl kung bè gùng nhàr mờ 2 lơgar neh ki\ rơndap broă. Broă lòt sền 2 gah ngai do, 2 gah neh ringbal sền gròi ală bă tiah tồt `jrong, tiah mpờl, gùng nhàr lơgar ndrờm ờ sền go\ tềl lơh tìs.”

Tàm bơta at tê kơ\ ngan, bal mờ sap `o\ pơrgon ngai tìp wơl, bơta pin dờn đah 2 mpồl sền gàr tiah nhàr lơgar Việt Nam mờ Campuchia ngai sơlơ geh bơtàu tơnguh. Tiah nhàr lơgar, khi bơsong ală kal ke, lơh jơh kơnòl mờ dà lơgar jàu, lơh ngan bơt bơtàu gùng nhàr lơgar ngap lơngai, lơh bơyô bal.

                                                                 Cau cih mờ yal tơngit K’ Duẩn.