VOV4.K’ho - Bè anih jơnau đơs Việt Nam neh yal bè broă mùs brê uă ngan tàm tiah rềp nhàr bal bơh kơnhoàl Ea Kar mờ kơnhoàl Krông Bông, càr Dak Lak. Khà di pơgăp bơh 130 tus 140 lồ brê geh yal là neh gơtìp mùs kơl aniai, sơgràm ờ hềt g^t cau lơi, lơh uă cau gơtìp nrơ\t dơl.

Mìng ai jăt kơrnoăt bè brê sar, neh geh g^t nđờ rơhiang tus rơbô khối chi gơtìp kơl, gơs chah, gơs bùh. Hoàc huơr bè bơta kuơ tiah kis. Bu\ lah bè hơ\, neh rơlao nggùl nhai bơh tu\ gơnoar atbồ tàm do đơs là neh tus kơrian nền nòn, kơnòl bơh cau tòm brê, mpồl sền gàr brê kung gam ờ hềt lơh loh. Cau ai tơng^t jơnau đơs Việt Nam tàm Tây Nguyên neh geh dơ\ lùup ồng Đỗ Xuân Dũng, kuang atbồ Chi cục Kiểm lâm càr Dak Lak:

-Ơ ồng, gơrềng tus mờ broă mus brê tàm tiah rềp nhàr bal tàm bàr kơnhoàl Ea Kar mờ Krông Bông, bè đah sền gàr brê càr Dak Lak neh geh broă tus bal, pơgồp bal bè lơi kờ` sền gròi, bơsong ơ ồng?

Ồng Đỗ Xuân Dũng: Dơ\ mus brê rềp nhàr bal tàm bàr kơnhoàl Ea Kar mờ Krông Bông den đah sền gàr brê kung neh đơng lam tơn ai mpồl sền gàr brê tus sền gròi, kờ` g^t broă do mờ yal gơnoar atbồ tàm tiah hơ\, kuang đơng lam dờng rơlao nàng đơng lam bơsong.

           Bơh 130 tus 140 lồ brê rềp nhàr bal kơnhoàl Ea Kar mờ Krông Bông geh jơnau yal neh gơtìp chu aniai, sơgràm

Broă lơh tàm broă mus brê do den kơnhoàl kung neh bơyai lơh ală dơ\ pơrjum, ai geh ală broă lơh, tàm hơ\ geh broă tus bal bơh Sở NN mờ PTNT, đah sền gàr brê càr. Bè đah sền gàr brê kung neh g^t, tàm kơnhoàl Ea Kar là mùl màl dùl broă lơh, gam bơta bal tàm càr gơbàn uă ngan kal ke. Kuơ màng là làng bol kis ntrờn gơtìp kal ke, hơ\ sồng cau ờ niam sơgràm, bơchồt làng bol mus brê tăc wơl cau ờ niam do in. Bơta kal ke ngan.

-Jăt khà kờp ờ hềt tơl den geh di pơgăp bơh 130 tus 140 lồ brê tàm tiah brê rềp nhàr bal tàm ală kơnhoàl gơtìp mus aniai mờ bè ồng pa đơs là bơta gam kal ke ngan.

Mơya, hơ jơnau lùp bơh cau ai tơng^t jơnau đơs Việt Nam den kuang đơng lam mpồl sền gàr brê kơnhoàl Ea Kar đơs là, kơnòl là bơh cau tòm brê, gam mpồl sền gàr brê den gơlơh bè ờ geh tìs. Di bè hơ\, mpồl sền gàr brê kơnhoàl ờ dờp kơnòl do hơ\ ờ ơ ồng?

Ồng Đỗ Xuân Dũng: Gơtùi đơs ngan là, broă atbồ sền gàr brê là jơh gùt mpồl lơh broă chính trị, gùt làng bol, ờ geh gah lơh broă lơi là ờ gơrềng bal. Mơya broă là kuang bàng lơi là cau geh kơnòl tòm.

                              Brê gơtìp mus aniai uă ngan, mpồl sền gàr brê di gơlan ờ geh tìs

Tàm do gơtùi đơs, cau tòm brê neh jào Công ty lâm nghiệp Ea Kar atbồ den kơnòl tòm là cau tòm brê. Tơnơ\ mờ hơ\ là gơnoar atbồ ală cấp mờ ală anih lơh broă tòm pal geh kơnòl tàm broă do, mpồl sền gàr brê pal geh kơnòl tàm broă do ờ go\ di đơs ờ geh kơnòl ờ.

-Ơi, bè hơ\, đah sền gàr brê càr Dak Lak geh ală broă lơh bè lơi kờ` bơsong kơnòl gơwèt mờ mpồl sền gàr brê tàm kơnhoàl ơ ồng?

Ồng Đỗ Xuân Dũng: Ơi, bơh broă do, bol a` kung sồr mpồl sền gàr brê kơnhoàl Ea Kar yal wơl mùl màl ală bơta. Tàm tơngu me hoàc huơr, bơta aniai bơh broă mus brê do bol a` geh ai tơl^k jơnau kờ` gơnoar atbồ bơsong mpồl sền gàr brê kơnhoàl Ea Kar.

Pa do, bol a` kung neh bơyai lơh pơrjum ală dơ\ mus brê tàm kơnhoàl Mdrăk mờ bol a` kung neh geh jơnau lài ngan kờ` lơh glài kơnòl kuang atbồ mpồl sền gàr brê bal mờ mpồl sền gàr brê tàm do. Tus do, geh ờ uă mpồl bol a` geh bơyai lơh ală broă lơh kờ` lơh glài tai, tàm hơ\ uă ngan là kơnhoàl Krông Bông, Ea Kar mờ ờ uă mpồl lơh broă ndai là geh jơnau sồr lơh glài nền nòn ngan.

-Ơi, bal mờ broă lùp khào, lơh glài nền nòn ală cau mus brê, lơh glài kơnòl nền nòn kuang bàng anih lơh broă tòm, broă lơh mhar tu\ do là broă bơsong ală bă brê neh gơtìp mus aniai. Di lah ờ di tu\, mìng tàm tơngai ờ jo\, ală bă brê neh gơtìp mus hơ\ ờ gam go\ tai bơta tềl tơngo\ brê lơi ơ ồng?

Ồng Đỗ Xuân Dũng: Bi pa đơs bơta hơ\ a` đơs ngan là di ngan. Di lah ờ geh broă lơh lơi kờ` tơnguh wơl brê tàm bă brê neh gơtìp mus, tơnơ\ do bơh 1 tus 2 nam là brê hơ\ gơs ù lơh sa mờ kal ke ngan kờ` ai wơl nàng tam wơl brê gơwèt mờ ală bă brê do.

Tu\ do, den càr kung neh geh rơndăp broă tam wơl brê nam 2020 mờ Sở kung neh tơl^k jơnau lam sồr lơh jăt mùl màl kờ` lơh jăt ai ală mpồl lơh broă in. Bơh broă gơwèt mờ bă brê pa gơtìp mus kơl do, den bol a` kung ai sền wơl mờ ai tàm rơndăp broă tam brê nam 2020, di lah ờ den nam 2021 kung geh tam brê sơl. Mờ, kung dan pal atbồ sền gàr, pleh mờ broă gơtìp sơgràm ù brê.

-Ơi, dan ưn ngài ồng!.

Cau mblàng Ndong Brawl