VOV4.K’ho- Ngai 13/07, tàm Bộ Y tế mờ Thể thao lơgar Myanmar, Đại sứ Việt Nam tàm lơgar Myanmar ồng Lý Quốc Tuấn neh jàu priă 50 rơbô dolar Mỹ bơh Chính phủ Việt Nam dê ai lơgar Myanmar in tàm broă lơh rcang sơn dră kòp dờng Covid-19.

Đơs tàm dơ\ pà phan, Đại sứ Lý Quốc Tuấn đơs ngan bơta kuơ màng bè bơta dong kờl jơh nùs bơh Chính phủ mờ làng bol lơgar Việt Nam dê ai Chính phủ mờ làng bol lơgar Myanmar in, lơgar lơh broă bal tơl làm, mờ tơngai lơh broă 45 nam g^t gơ\p, sùm tam klăc bal mờ pin dờn bal. Phan pà bơh Chính phủ Việt Nam dê tơngo\ nùs nhơm sùm dong kờl gơ\p bơyô, ngan là tàm tu\ gơtìp kal ke bơh bơta kòp.

Ala mat Bộ Y tế mờ Thể thao lơgar Myanmar neh dờp, tơngo\ jơnau ưn ngài jơh nùs bơh Chính phủ, Bộ Y tế mờ Thể thao lơgar Myanmar dê gơ wèt mờ bơta dong kờl kuơ màng ngan bơh lơgar Việt Nam; mờ pà g^t đah lơgar Myanmar jat sền cồng nha tàm broă rcang sơn dră kòp Covid-19 lơgar Việt Nam dê mờ sền do là bơta mờng chài ngan ngồn ai lơgar Myanmar in.

Cau mblàng K’ Hạnh