VOV4.K’ho – Drim òr 07/03, tàm Hà Nội neh geh lơh Dơ\ pơn jờng muh mat phan bơna lơh geh bơh sươn sre pơnrơ ngan nam 2014. Broă lơh pah nam do bơh Mpồl cau lơh broă sa Dà lơgar Việt Nam dê pơgồp bal mờ Gah Lơh broă sa mờ bơtàu tơnguh [òn lơgar dà lơgar, Gah Kă bro mờ lơh sa mờ măy mok dà lơgar bơyai lơh. Nam do, Mpồl bơyai lơh neh săc rwah geh 145 bơta phan lơh geh bơh sươn sre pơnrơ ngan gơ wèt 3 mpồl phan: Phan bơna lơh geh bơh sươn sre, phan bơna neh lơh gơs phan mờ phan drơng broă. Tàm dơ\ bơyai lơh, ồng Vũ Văn Ninh kuang jat jơng gơs gơnăp gơnoar atbồ hơđang rlau jơh dà lơgar đơs tờm: Broă lơh do là tu\ tơngai niam nàng bol he pơn dà kơlhề, bơta pràn jak bơceh pa bơh ală mpồl cau, cau dùl nă să is dê mờ bơta jơh nùs jơh tồr bơh he dê neh să tờm lơh gơlik ală phan bơna geh bơngă, mờ niam ngan geh cau ngui sa kờn ngan mờ pin dờn. Ồng Vũ Văn Ninh đơs tờm: Tàm ală tu\ mu\t gơ rờm bal mờ dunia ngai sơlơ uă tàm rài lơh sa dunia bơh dà lơgar dê cèng tus uă tu\ tơngai niam mờ bơta lòng, ngan là tàm tu\ tơngai gah lơh broă sa sươn sre lơgar he dê bơtàu tơnguh ờ hềt kơ\ kơl jăp ngan ngồn, bơta pràn tàm pơrlòng ờ hềt uă, drà blơi phan ai uă bơta phan in gam uă kal ke.

Cau cih mờ yal tơngi\t- Lơ Mu K’ Yến