VOV4.K’ho - Drim òr (18/3), dơ\ pơrjum ală kuang bàng dờng màng tàm mpồl ASEAN mờ lơgar Ấn Độ dơ\ 18 geh bơyai lơh tàm Hà Nội. Ồng Lê Hoài Trung, kuang jăt jơng atbồ gah cri bơyai broă lơh bal mờ lơgar ndai dà lơgar mờ mò Pritti Saran, kuang atbồ đơng lam phương Đông gơwèt gah cri bơyai broă lơh bal mờ lơgar ndai lơgar Ấn Độ neh tus bal pơrjum. Đơs tàm pơrjum, ồng Lê Hoài Trung neh đơs tòm, mpồl ASEAN pơn jờng ală broă lơh bal mờ jơnau hơ pa do bơh 2 gah dê kờ` tơnguh broă lơh bal tàm ală gah. Mờ broă lơh “Wèt tus đah măt tơngai l^k” lơgar Ấn Độ dê mờ wèt tus mpồl bơtiàn ASEAN tàm nam 2025 geh dong kờl chồl pràn broă lơh bal do, pơgồp bal tàm broă lơh ngan bal tàm bơta lơngăp longai gùt dunia, sền gàr bơta lơngăp lơngai mờ ring niam tàm tiah do. Ồng Lê Hoài Trung đơs tòm: Mờ là 1 lơgar tam pà bal broă cri bơyai mpồl ASEAN mờ lơgar Ấn Độ tàm tơngai bơh nam 2015 tus 2018, lơgar Việt Nam geh chồl pràn ală boă tơnguh broă lơh bal do. Dơ\ pơrjum kuang bàng dờng màng bơh lơgar Ấn Độ mờ mpồl ASEAN dơ\ sơnrờp tàm nam 2016 do klà dơ\ niam kờ` ală gah sền wơl ală broă lơh mờ ai tơl^k gùng dà broă lơh bal kung bè rơcang ai ală broă lơh kuơ màng tus do in.

        Cau cih mờ yal tơng^t Ndong Brawl