VOV4.K’ho – Jat khà kờp bơh gah bơto bơtê mờ bơsram dà lơgar, dơ\ pơrlòng jơh bơsram kai 3 dà lơgar nam do, gùt lơgar geh rlau 887 rbô nă cau tus bal pơrlòng, gơmù rlau 118 rbô nă cau, ndrờm 12% pơn drờm mờ nam lài.

Gùt lơgar geh 120 mpồl pơrlòng, tàm hơ\ geh 70 mpồl pơrlòng bơh ală hìu bơsram dờng đơng lam mờ 49 mpồl pơrlòng bơh gah bơto bơtê mờ bơsram ală càr, [òn dờng, đah lơh broă hìu bơsram di gah sền gàr dà lơgar đơng lam, mờ rlau 31 rbô cơldu\ pơrlòng. Gah bơto bơtê mờ bơsram dà lơgar neh tơlik uă sră nggal đơng lam ală gah bơto bơtê mờ bơsram, hìu bơsram dờng đơng lam mpồl pơrlòng mut lơh rơndap broă bơyai lơh mpồl pơrlòng jat di mờ rơndap broă. Gah bơto bơtê mờ bơsram dà lơgar kung bơyai lơh uă mpồl lòt sền mờ dong kờl bơyai lơh pơrlòng tàm ală càr, [òn dờng. Tus tu\ do, ală càr, [òn dờng neh lơh jơh ală broă rơcang tus pơrlòng jơh bơsram kai 3 dà lơgar. Dơ\ pơrlòng jơh bơsram kai 3 dà lơgar nam do geh bơyai lơh tàm 4 ngai, bơh ngai 1 tus ngai 4 nhai 7. Ngai 30/6, cau pơrlòng geh tus anih pơrlòng nàng lơh sră cih mat pơr lòng.

                    Cau cih mờ yal tơngit K’ Duẩn.