VOV4.K’ho – Drim òr 18/10, Mpồl tam klac cau ùr Việt Nam bơyai lơh Dơ\ tơngkah 85 nam ngai crơng gơs mờ ngai cau ùr Việt Nam (20/10). Ồng Nguyễn Xuân Phúc kuang jat jơng gơs gơnăp gơnoar atbồ hơđang rlau jơh dà lơgar, mò Hà Thị Khiết kuang atbồ Mpồl lam sồr làng bol dà lơgar bal mờ kuang bàng đơng lam ală gah sơnah lơh broă dà lơgar tus bal. Ală kuang bàng neh yal wơl ală tu\ tơngai crơng gơs mờ bơtàu tơnguh bơh Mpồl tam klac cau ùr Việt Nam dê. Ală nam do, mpồl là mpồl ala mat, sền gròi, sền gàr gơnoar kuơ mờ bơta kuơ dipal mờ kơrnoat boh lam, dipal bơh cau ùr Việt Nam dê, bơngă ngai sơlơ geh đơs tờm tàm lơgar mờ gơ\p bơyô dunia. Bơh nam 2012 tus tu\ do, neh geh 1 tơlak 200 rbô hìu r[ah geh mpồl dong kờl, lam sồr hòi jà lơh rlau 5 rbô nơm hìu bơta nđàc, rlau 34 tơmàn priă dong kờl ală mpồl cau lơh kơnòl broă sền gàr dà lềng bồt bơlào. Tàm dơ\ tơngkah, ala mat kuang bàng đơng lam Đảng mờ Dà lơgar, ồng Nguyễn Xuân Phúc neh jàu Gai lòng Lơngăp lơngai is khà dùl ai Mpồl tam klac cau ùr Việt Nam in. Kung di tàm dơ\ do, 9 mpồl cau mờ 10 nă cau geh dờp khà jờng cau ùr nam 2015.

Cau cih mờ yal tơngi\t- Lơ Mu K’ Yến