VOV4.K’ho – Drim ngai 30/9, tàm Hà Nội, geh lơh dơ\ tơngkah “Ban Kinh tế dà lơgar – 70 nam mờ broă lơh tam gơl pa mờ bơtàu tơnguh lơh sa Đảng”. Tus bal geh Ủy viên Bộ Chính trị, Thường trực Ban Bí thư, ồng Trần Quốc Vượng bal mờ ua\ kuang đơng lam bồ, lài do là kuang đơng lam bồ ală Bộ, mpồl, gah broă lơh.

70 nam bal mờ dà lơgar brồ guh, Ban Kinh tế dà lơgar bơh ală tu\ tơngai neh cribơyai mờ Đảng, ai tơlik ală gùng dà, broă lơh bơtàu tơnguh lơh sa – mpồl bơtìan di tu\, dipal mờ bơta geh ngan mờ jơnau kờ` bơh broă lơh kac màng Việt Nam dê. Tàm hơ\, geh ală gùng dà neh lơh gơlik ală bơta tam gơl pa bè bơtàu tơnguh lơh sa – mpồl bơtìan, lơh nền tus cồng nha bơh kac màng Việt Nam dê.

Đơs tàm dơ\ bơyai lơh, ồng Trần Quốc Vượng nting sap gờm chờ ală cồng nha mờ Ban Kinh tế dà lơgar neh lơh geh mờ sồr Ban Kinh tế dà lơgar pơn jat tai tam gơl bồ tơngoh kơ lôi sơ nơng, khin cha git go\, ai tơlik ală broă pa; lam lơh niam rlau tai broă kơ lôi sơ nơng, đơs lài gùng dà bè lơh sa mpồl bơtìan bơh dà lơgar dê.

Cau mblàng K’Duẩn