VOV4.K’ho – Di 7 jiơ drim ngai 02/09, dơ\ tơrgùm să pơrjum, ling klàng mờ làng bol lòt pơdar tơngkah 70 nam Kăc màng nhai phàm mờ Sơn tờm dà lơgar  Việt Nam rài làng bol lơh tờm mpồl bơtiàn ring bal (2/9) geh lơh tàm {làng dờng Ba Đình, Hà Nội mờ bơta tus bal lòt pơdar bơh pơgăp 30 rbô nă cau tàm hơ\ geh ală mpồl phàu crong làng bol (ling klàng, kuang àng, cau ling griăp [òn, rcang gàr is), mpồl làng bol ala mat ală mpồl bè mpồl cau ling yau, cau lơh phan, cau lơh broă sa, cau geh bồ tơngoh jak, cau lơh sa kă bro, ơruh pơnu, cau ùr mờ ală kòn cau Việt Nam.

Lòt lài mpồl ling lòt pơdar là rơndeh pơndiang gai lòng dà lơgar mờ bùng bi dà lơgar

Mpồl cau ala mat ala tus 54 jơi bơtiàn kòn cau Việt Nam

Mpồl ling klàng mờ làng bol lòt pơdar tơngo\ bơta pơn ỳơ să, nùs nhơm khin cha jak chài, bơta pràn jak ngan bơh mpồl tam klac dờng gùt jơi bơtiàn; bơta dờng pràn mờ bơtàu tơnguh bơh mpồl phàu crong làng bol Việt Nam dê, pơn jờng, chul chồl jơh gùt Đảng, gùt làng bol mờ gùt ling klàng he tơryang tơr yồng lơh ngan mu\t lơh jai pha broă lơh tam gơl pa, bơ\t bơtàu geh cồng nha mờ sền gàr kơ\ kơl jăp Dà lơgar Việt Nam rài làng bol lơh tờm mpồl bơtiàn ring bal.

Ồng Trương Tấn Sang kuang atbồ lơgar sền sră tàm dơ\ tơngkah

Tàm jơnau cih đơs ồng Trương Tấn Sang kuang atbồ lơgar sền tàm dơ\ lơh, đơs tờm: tơngkah 70 nam Ngai Sơn tờm dà lơgar là nàng bol he ai geh jơnau bơsram, sơrlèt gan bơta lòng lơh gơs bơta jai pha pa. Ồng Trương Tấn Sang đơs tờm, Đảng, Dà lơgar mờ làng bol he pal ngui niam bơta pràn tam klac dờng gùt jơi bơtiàn, pơgồp bal mờ bơta pràn tu\ tơngai dê; pơn jat tai lơh pràn tơl làm broă lơh tam gơl pa, bơtàu tơnguh lơh sa gơ jat bal mờ tam gơl broă lơh gơguh tai lơh sa nàng bơtàu tơnguh dà lơgar mhar mờ kơ\ kơl jăp.

Cau mblàng Lơ Mu K’ Yến