VOV4.K’ho - Drim òr (06/9), tàm gơlang kuang atbồ lơgar, ồng Trần Đại Quang, kuang atbồ lơgar neh đơng lam dơ\ wă rò ồng Francois Hollande, kuang atbồ lơgar Tây. Tàm dơ\ wă, 2 gah neh ring bal tơnguh broă cri bơyai, tìp bal dờng màng, tàm hơ\ uă ngan là kơnă dờng, mờ tơnguh sùm gơnoar broă tam pà, đơng lam broă lơh bal bơh 2 lơgar tàm ală gah gùng dră bal, lơh sa, sền gàr dà lơgar, khoa học – công nghệ, bơta chài rơgơi, bơto bơtê mờ bơsram. 2 nă kuang atbồ đơng lam neh đơs tòm tus mờ broă lơh sa bal pơn jăt tai là broă lơh tòm lài ngan tàm broă lơh bal bơh 2 lơgar dê mờ đơs tòm, pal tơnguh broă lơh bal tàm ală rơndăp broă lơh tòm bè broă bơ\t bơtàu broă lơh, năng lượng, gah rơndeh par, lơh sơnơm – phan lơh sơnơm, tiah kis, lơh sa suơn sre mờ lơh gơs phan ngui sa. Ồng Francois Hollande neh đơs, jơnau hơ bơh lơgar Tây geh ai sùm khà priă ODA lơgar Việt Nam in. 2 gah đơs tòm, geh pơn jăt tai ai tơl^k bơta [uơn ală anih lơh sa kă bro bơh 2 lơgar lơh broă bal, bơcri priă mờ kă bro, wèt tus broă bơ\t bơtàu ală broă lơh bal kuơ màng tàm tơngu me geh kuơ bal.

Kung tàm ngai òr (06/9), ồng Nguyễn Phú Trọng, kuang atbồ đơng lam Đảng dà lơgar, mò Nguyễn Thị Kim Ngân, kuang atbồ Gơnoar ala măt dà lơgar kung neh geh ală dơ\ tìp, cri bơyai mờ ồng Francois Hollande.

       Cau cih mờ yal tơng^t Ndong Brawl