VOV4.K’ho – Dờp jơnau jà bơh ồng Hassan Rouhani, kuang atbồ lơgar Iran, ồng Trương Tấn Sang kuang atbồ dà lơgar he mờ pơ ùr bal mờ mpồl kuang bàng dờng màng lơgar he neh tus càr lơgar Tehran sơn đờm dơ\ tus còp kơnă dà lơgar lơgar Iran bơh ngai 13 tus ngai 16/3. 9h30 phút drim òr jat jiơ lơgar Iran, hơ\ là 1 jiơ mho ngai òr jat jiơ Hà Nội, dơ\ wă rò ồng Trương Tấn Sang bal mờ mpồl kuang bàng dờng màng lơgar he neh geh bơyai lơh yu\ rơ ỳum tàm gơlang kuang atbồ lơgar. Dơ\ wă rò geh bơyai lơh jat bơhìan jơnhua ngan rlau jơh ai kuang atbồ lơgar in. Là 2 lơgar geh uă bơta ndrờm bal tàm rài kah yau, rlau 40 nam do, git gơp tam klac lơh sa mờ cribơyai broă đah 2 lơgar ngai sơlơ bơtàu tơnguh. Ală nam pa do, Việt Nam mờ Iran lơh ngan jòi ală broă lơh tam klac bal tàm tu\ Iran gơtìp ală lơgar đah mattơngai mut plai ù kơryan. Priă lơh geh bơh tac phan lơgar Việt Nam dê tàm drà kă bro lơgar Iran gơguh sùm tàm tơngai bơh nam 2001 tus nam 2008.

                                                Cau cih mờ yal tơngit K’ Duẩn.