VOV4.K’ho-Mho ngai 26/10, tàm Hà Nội, Đoàn Ơruh pơnu Cộng sản Hồ Chí Minh dà lơgar bơyai lơh pơrjum ai jơnau đơs tă pơgồp bơh ală kuang bàng tờm Đoàn, Mpồl tam klăc Ơruh pơnu Việt Nam, Mpồl cau bơsram dờng Việt Nam, Mpồl duh broă Đội dà lơgar tàm rơndap cih ală sră nggal sền yal tàm dơ\ Pơrjum dờng cau ala mat gùt lơgar dơ\ 13 bơh Đảng dê.

Tă pơgồp jơnau đơs tàm rơndap cih sră nggal, ală cau ala mat đơs nền: rơndap cih sră nggal neh ai tơlik ală gùng dà mờ broă lơh tàm broă ngui cau geh bồ tơngoh jak, là broă lơh tam gơl mhar, tơngo\ bơta sền sơnơng mờ bơta sền gròi bơh Kuang đơng lam bồ Đảng mờ Dà lơgar dê.

Ală cau ala mat đơs là, tàm rơndap cih sră nggal pal đơs loh làng ală kơrnoat, broă lơh ngan ngồn nàng lơh geh bơta kơ\p gơn nàng gơ hòi gơ jà mpồl cau jak chài kơnòm să, geh bơta pràn jak niam jat gùng dà sền gròi di pal tus mờ bơta kuơ lơh sa nàng cau geh bồ tơngoh jak in lơh nền lơh broă jo\ jòng, tă pơgồp dà kơl hề tàm anih lơh broă, mpồl lơh broă. Bàr, pe jơnau đơs đơs là, tàm sră nggal pơrjum dờng dơ\ 13 pal sền g^t gùng dà broă lơh tam gơl mhar bè broă lơh dong kờl lơh sa mpồl bơtìan tiah làng bol jơi bơtìan kòn cau jat gùng dà lòt pơdar bơh broă “tơr mù r[ah” tus broă “lơh pas”.

Cau mblàng K’ Hạnh