VOV4.K’ho- Ồng Ka Să Ha Nhiếu, cau K’ho Cil ơm tàm thôn R’Chai 2, xã Phú Hội, kơnhoàl Đức Trọng, càr Lâm Đồng là cau geh bơngă pin dờn. Ồng neh tơngo\ kơnòl bơh he dê tàm broă pơgồp bal mờ gơnoar ătbồ tàm tiah do lơh niam broă lơh mblàng yal gùng dà, broă lơh bơh Đảng dê, mờ kơrnoat boh lam bơh Dà lơgar ai làng bol in, pơgồp bơnah kuơmàng tàm broă bơtàu tơnguh lơh sa- mpồl bơtiàn. Bè hơ\, ală broă lơh loh làng bơh ồng dê là broă lơh? Tơnơ\ do là dơ\ tơm bơh bơr bơh cau mblàng jơnau đơs dà kòn cau K’ho bơh Anih Jơnau đơs Việt Nam dê mờ ồng Ka Să Ha Nhiếu, jà…

Ơ ồng, mờ bơngă pin dờn bơh he dê, den ồng neh dong kờl gơnoar ătbồ tiah do mblàng yal làng bol in bè lơi tàm tơngai lài hah ồng?

Ồng Ka Să Ha Nhiếu: Bol a` lơh jăt gùng dà broă lơh bơh Đảng dê, kơrnoat boh lam bơh Dà lơgar dê mblàng yal làng bol in. Pơnyơu bè tàm tơngai trồ tiah tam gơl bè tu\ do, làng bol ba` tuh sồ siă khăt gơboh gơlềng gơlàng, sền gàr dà sa, ngan là dà tơrlung, pal sền gàr sàng goh nàng ba` gơtìp kòp tê jê să. Tàm bơta tam bau den pal lơh jăt jơnau sồr bơh kơrnoat boh lam dê, ờ go\ di bau gờ`, bau ờ hềt di sơnam ai bau, pal gi\t wa\ ngan kờ` gơboh ngan den hơ\ sồng bau. Bơdìh hơ\ tai, bol a` hòi jà làng bol ờ go\ di mus brê, tài bơh brê là phan kuơ geh is tiah ơm kis. Kuơmàng là pal kơrhia ngan, ba` lời bol ờ niam sơmờm bơta jăt yàng nàng kờ` lơh tam cah is, đơs bu ba, lơh roh bơta tam klăc bal đah ală jơi bơtiàn oh mi, do là kơnòl broă kơn jơ\ ngan gơ wèt mờ bol a` tu\ mblàng yal làng bol in.

Tam klăc là dùl bơhiàn kuơmàng bơh jơi bơtìan he dê, tàm broă lơh mblàng yal, ồng neh sền ngăc tus broă do bè lơi, ơ ồng?

Ồng Ka Să Ha Nhiếu:  Cau jơi bơtiàn kòn cau bol he pal kis jăt Đảng, Dà lơgar, pal kơlôi rơcăng pơđơl pràn tàm broă lơh sa, pal lơh sa dipal mờ kơrnoat boh lam, ba` tam cah is. Cau jơi bơtiàn kòn cau mờ oh mi cau Yoan pal kis tam klăc bal, geh ù tiah pal kơlôi rơcăng lơh sa nàng di mờ bơta kơ\p kờ` bơh Đảng mờ Dà lơgar dê là làng bol pas sơm, dà lơgar pràn kơldang, ring bal, jak chài mờ bơtàu tơnguh bal.

Ơ ồng!Tàm rài kis tàm [òn lơgar, geh bơta lơi lơh ồng gam kơlôi rơcăng?

Ồng Ka Să Ha Nhiếu: A` chờ hờp ngan, tu\ go\ làng bol [òn lơgar he tàm tơngai do tăc ù nàng bơyai lơh tam bau ai kòn in. Loh làng, bơta do Đảng, Dà lơgar kung bè gơnoar ătbồ tàm tiah do mờ ală cau geh bơngă pin dờn tàm do sùm bơto sồr làng bol pal gàr ù tiah nàng geh ù lơh sa. Tài bơh ù tiah là jơtài bơh tơl hìu bơnhă dê, là jơtài bơh Dà lơgar bol he dê. Gơlik geh bơta do là tài bơh bol he ơlah lơh broă, ờ bài kờ` tam gơl bồ tơngoh kơlôi sơnơng tàm broă lơh sa, a` gơlơh muăt jrùm ngan bè bơta do.

Bè hơ\, ồng neh bơto sồr làng bol bè lơi bè broă do, ơ ồng!

Ồng Ka Să Ha Nhiếu: Nàng lơh geh cồng nha tàm broă mblàng yal den bol a` sùm ngui jơnau pơnđik, jơnau tòng bơr đơs pơnyơu là bè hơ\...Mò pàng bol he dê sùm ngui jơnau pơnđik, jơnau tòng bơr nàng bơto sồr làng bol [òn lơgar lơh broă lơh sa, tàm pơndờm pơnđiang bal mờ gơ\p tàm broă lơh sa…Mò pang he dê đơs den tài “jak tăp siết sa ka, jak lơh lơh mìr sa kòi, jak jòi lo\ den ơn drăp, kờ` geh sềm glơng pal jòi tàm tiah geh dà bo\ den hơ\ sồng geh sa”. Hơ\ là pal kơlôi rơcăng lơh sa, ờ go\ di là geh is phan nàng ai he in sa ờ, tê lơh tê sa, ờ go\ cau lơi ai he in sa gời ờ.

Ơi, ơ ồng! Loh làng geh lơh den hơ\ sồng geh sa, mơya kung gam sơl ờ dùl êt nă làng bol he tu\ lơh sa ờ geh cồng nha den neh mhar ngan ờ gơdan lơh tai mờ tăc te\ ù tiah, tơnơ\ hơ\ lòt lơh broă apah. Ồng geh bơta lơi bơto sồr làng bol ờ?

Ồng Ka Să Ha Nhiếu: A` bơto sồr làng bol, dilah kàl do lơh sa ờ geh den bol he pal tam gơl bồ tơngoh kơlôi sơnơng, hơ\ là tam phan jăt jơnau kờ` bơh drà kă bro dê. Gơnoar ătbồ [òn lơgar sền gròi ngan tus làng bol, bơto sồr làng bol in broă chài lơh sa, bè kàl khuah den tam khuah, kàl lơh su su den he tam su su, kàl mre\ den he tam mre\ nàng pleh gơtìp hoàc hươr. Tài bơh bol a` kung bè gơnoar ătbồ ală kấp kơ\p kờ` ngan làng bol he geh rài kis hờm ram, lơngăp lơngai chờ hờp, hìu bơnhă ùr bơklau, oh kòn tàm kờ` gơboh.

Ồng là cau sền go\ uă tu\ tơngai kah yau bơh dà lơgar dê. Bơh hơ\, bơta sền go\ bơh ồng dê bè bơta tam gơl bơh [òn lơgar he dê bè lơi?

Ồng Ka Să Ha Nhiếu: Loh làng dà lơgar bol he dê gam kis neh cèng wơl ai làng bol [òn lơgar in dùl rài kis lơngăp lơngai ngan, khăt gơboh lơh sa, khăt gơboh lòt rê. Kah wơl rài yau, mò pàng bol he dê kis tàm rài kis bòl glar kal ke bơngơl gơla ngan, jơgloh tơhìr, hìu tìm mờ ja, kìng mờ mpìr, kis jăt tơl [òn dềt geh 200 halà 150 nă cau…Ngai do, Đảng, Dà lơgar neh ai kis tơrgùm bal dùl bă tiah nàng tơrgùm lơh sa. Tu\ ờ hềt geh Đảng, Dà lơgar den dà lơgar he geh uă ngan bol sò tơm sơgràm phà. Ngai do, Đảng, Dà lơgar neh cèng wơl ai bol he in rài kis ring lơngai ngan.

Ơ ồng! Đảng, Dà lơgar he neh sền gròi ngan tus cau jơi bơtiàn dùl êt nă cau. Bè sền gàr bơta niam chài akhar cih mờ dà đơs bơh cau jơi bơtiàn dùl êt nă cau dê. Ồng geh gi\t sơl bè bơta do, ơ ồng?

Ồng Ka Să Ha Nhiếu:  Ơi, a` chờ hờp ngan mờ ưn ngài ngan bơta do. Ne ne, rơdio dềt bơh a` dê ne. A` sùm pờ rơdia nàng iăt jơnau yal bơh Anih Jơnau đơs Việt Nam dê, geh uă ngan jơnau đơs geh pờ tàm rơdio, mờ geh uă cau lơh jơnau đơs pờ tơlik bơh ală jơi bơtiàn kòn cau Tây Nguyên dê. A` gam geh gi\t tai Đảng, Dà lơgar sền gròi ngan pờ pang web is mờ dà jơi bơtiàn kòn cau, bol he pal gi\t ưn ngài mờ ai lơh chờ hờp ngan tài bơta do. A` sùm iăt rơdio, iăt jơnau tòng bơr, jơnau pơnđick, a` kơno tàm rơdio đơs, bè bơto sồr làng bol [òn lơgar pal kơlôi rơcăng lơh sa, kis tam klăc bal, tàm kờ` gơboh bal mờ gơp, pal kơlôi rơcăng bơsram sră. A` ưn ngài ngan Đảng, Dà lơgar he neh ai jơnau đơs bol a` dê pờ tàm rơdio, ai jơnau đơs bol a` dê tus mờ dunia, a` chờ hờp mờ gi\t ưn ngài ngan.

Ơi, dan ưn ngài ồng Ka Să Ha Nhiếu neh lời tu\ jiơ tus bal mờ jơnau đơs do!

Cau cih mờ mblàng Lơ Mu K’Yến