VOV4.K’ho-  Drim ngai 8/12, tàm Hà Nội geh bơyai lơh Cribơyai “ Jơnau  geh ngan mờ gùng dà broă lơh ai broă drơng ala dong kờl cau gơtìp pù pờng đah cau ùr cau klau tàm mpồl bơtìan làng bol kòn cau”. Jat mpồl CARE dunia tàm Việt Nam (Mpồl dong kờl kòn bơnus sơn dră wơl mờ jơgloh r[ah gùt plai ù mờ dong kờl jal mhar), tơngai pa do, Chính phủ Việt Nam neh mờ gam pơn jat tai lơh sir ală broă lơh adat boh lam mờ broă lơh ring bal ùr klau. Mơya, broă lơh jat adat boh lam mờ ai ală broă lơh drơng broă dong kờl ai cau gơbàn pù pờng đah cau ùr cau klau, ngan là ai mpồl bơtìan làng bol kòn cau in gam ờ pràn ngan mờ gam là bơta kòl yan tơnguh bơta ờ ring bal đah cau ùr mờ cau klau tàm Việt Nam.

Pơrjum cribơyai là dơ\ nàng ală mpồl cau, cau dùl nă să is lơh broă mờ sền gròi tus gah broă do digơlan cribơyai mờ ală cau lơh broă rơndap tap sèng broă lơh, kung bè ai tơlik ală jơnau đơs, jơnau dan ngan ngồn nàng sền loh rlau tai bơta geh ngan bơh broă lơh dê mờ ờ hềt geh broă drơng ala dong kờl cau gơtìp pù pờng cau ùr cau klau tàm mpồl bơtìan kòn cau tàm Việt Nam. Bơh hơ\, gơtùi dong kờl cau gơtìp pù pờng cau ùr cau klau tàm mpồl bơtìan làng bol kòn cau dùl bă geh cồng nha.

Cau mblàng K’ Hạnh