VOV4.K’ho – Mang òr, 19/5, tàm kơnhoàl Krông Bông, ala mat Bộ Văn hoá thể thao mờ Du lịch neh jàu sră sap sèng tiah tềl kah yau Dà lơgar pôs đồng tam lơh càr Daklak. Tiah pôs đồng kac màng Daklak geh crơng gơs bơh nhai 10 nam 1965, mờ tiah tờm là kơnhoàl Krông Bông tu\ do. Bơh Krông Bông, mpồl ling neh sền gròi geh ală tiah tam lơh kuơ màng tiah đah tô mờ gùng dờng 21 tơrbo\ Phú Yên mờ tiah đah tô mattơngai lik Daklak, tam cah is ală tiah ling klàng, hành chính Mỹ - Nguỵ dê tàm tiah tam lơh Tây Nguyên, ai geh bơta rơcang lài lơh geh bơta pàn ai gơnoar atbồ kac màng tàm pơrjum Paris. Bộ Chính trị mờ Quân uỷ dà lơgar neh rơwah Buôn Ma Thuột là tiah sơn đờm dơ\ tam lơh dờng Tây Nguyên, wèt tus tơngklàs gùt tiah đah jum, tơr gùm dùl dà lơgar. Đảng bộ mờ làng bol ală kòn cau tàm Daklak gam pơnjat tai brồ guh nùs nhơm tam klac bal, chồl pràn tơl làm broă lơh tam gơl pa, lơh ngan lam Daklak gơs là tiah tờm lơh sa – chính trị tàm Tây Nguyên.

               Cau cih mờ yal tơnggit K’Duẩn