VOV4.K’ho – Tơnơ\ mờ tu\ mat mpồl duh broă Đảng dà lơgar kơnă 12 geh yal tàm ală anih yal jơnau tơngit, làng bol ală càr Tây Nguyên chờ hờp ngan tềng đap cồng nha pơrjum dê; đơs niam bơta geh mat bơh uă cau pa, cau kơnòm să tus bal đơng lam bồ dà lơgar. Ồng K' Dung, kuang atbồ mpồl cau ling yau càr Dak Nông đơs: “ Mpồl duh broă Đảng dà lơgar dơ\ do, geh uă cau pa, khà cau kơnòm să kung uă. Bol a` chờ hờp ngan, pin dờn tàm Mpồl duh broă Đảng pa mờ mpồl cau dong broă pa geh bồ tơngoh jak chài uă ngan, geh lơh uă bơta pa, tơl làm rlau.”

Geh bal jơnau đơs niam bè bơta pràn jak kơnòm să bơh mpồl duh broă Đảng dà lơgar kơnă pa, làng bol Tây Nguyên gam kơp kờ`, mpồl cau do geh tơl pràn jak, nùs nhơm, lam dà lơgar bơtàu tơnguh pràn rlau. Ồng Phạm Hoàng Lâm ơm tàm [òn 10, sơnah [òn Tân Tiến, [òn dờng Buôn Ma Thuột, càr Dak Lak đơs: “ Bol a` kơp kờ` ngan dơ\ do mpồl duh broă Đảng dà lơgar geh tơl pràn jak, nùs nhơm mờ ai bơta kuơ dà lơgar, bơta kuơ jơi bơtìan ơn lài ngan nàng drơng làng bol, drơng dà lơgar; geh pràn jak tam gơl nàng lam dà lơgar mut gơ rờm bal dunia dùl bă jrô ơnàng nàng bol he ờ mìng jai jat mờ gam ndrờm bal, halà sơr lèt ală lơgar bơtàu tơnguh tàm kơnhoàl mờ dunia.”

                                                             Cau cih mờ yal tơngit K’ Duẩn.