VOV4.K’ho - Ngai òr (05/5), duh broă sùm mpồl đơng lam Đảng càr Gia Lai neh đơng lam ờ uă kơnòl tàm nhai 5 do. Lài jơh, ală mpồl đơng lam Đảng, gah, mpồl lơh broă, ală kơnhoàl tơrgùm đơng lam sền gàr ală phan tam, tơnhào kòi kàl prang, rơcang tơl  bơta tàm kàl lơh sa tòm. Mờ lơh jăt ală broă sơndră mờ prang tàm ală tiah ờ hềt geh mìu, dong kờl sơntìl phan tam làng bol gơtìp hoàc huơr tài trồ prang lơh aniai pa do in. Bơdìh hơ\ tai, duh broă sùm mpồl đơng lam Đảng càr Gia Lai gam đơng lam tơl niam sền gàr dà lơgar-lơngăp lơngai mpồl bơtiàn, rơcang sơndră, kơrian sơbì jơh ală tiah jăt FULRO, Tin lành “Đê-ga”, yàng ờ di “Hà Mòn”; sơndră mờ tiă gan nhàr dà lơgar, tơl niam lơngăp lơngai tiah nhàr dà lơgar. Mờ đơng lam lơh jăt broă rơcang pơrjum dờng đảng ală kơnă, wèt tus pơrjum dờng Đảng càr dơ\ 15, tàm hơ\ uă ngan là broă rơcang rơndăp broă jơnau yal gùng dră bal mờ rơcang khà kuang bàng.

Cau mbàng Ndong Brawl