VOV4.K’ho - Mho òr (07/6), duh broă sùm mpồl duh broă Đảng càr Dak Lak neh wă mờ lơh broă mờ mpồl kuang atbồ ală anih lơh broă ala măt lơgar Việt Nam tàm lơgar bơdìh tơngai bơh nam 2016 tus 2019 geh ồng Dương Chí Dũng, kuang dong broă kuang atbồ, Kuang atbồ anih lơh broă gah cri bơyai broă lơh bal mờ lơgar ndai dà lơgar lam bồ. Di tàm dơ\ do, càr Dak Lak dan mờ ală kuang atbồ anih lơh broă ala măt lơgar Việt Nam tàm lơgar bơdìh mờ bơngă, gơnoar broă lơh să tòm, sền gròi, crơng gơs ală broă lơh bal jo\ jòng; yal bè ală bơta geh kung bè bơta niam bơcri priă càr Dak Lak dê tus mờ ală anih lơh sa kă bro lơgar bơdìh, mờ dong kờl jòi anih tăc phan geh lơh bơh broă lơh sa suơn sre, phan brê bơnơm càr dê tus mờ lơgar bơdìh; yal mờ lam sồr ală anih lơh sa kă bro lơgar bơdìh, ală mpồl lơh broă dunia dong kờl càr Dak Lak tơmù ală hoàc huơr bơh trồ prang lơh aniai bơh tàm ală rơndăp broă dong kờl geh nùs nhơm jo\ jòng gơrềng tus mờ broă tam gơl trồ tiah kờ` dong kờl càr Dak Lak tơnguh bơtàu kơl jăp…

Cau cih mờ yal tơng^t Ndong Brawl