VOV4.K’ho - Tàm hìu chài rơgơi ơruh pơnu, kơnòm pa tào mờ kơnòm dềt, duh broă sùm mpồl ơruh pơnu càr Dak Lak pa bơyai mu\t lơh nhai ơruh pơnu nam 2016. Mờ gùng dà “Ơruh pơnu lơh broă tài mpồl bơtiàn-mpồl bơtiàn drơng bơtơl ơruh pơnu”, Nhai ơruh pơnu nam do tơrgùm tàm ờ uă kơnòl tòm là: bơyai ală broă lam sồr bè rài lài do, bơhiàn jăk chài mpồl ơruh pơnu Cộng sản Hồ Chí Minh dê bal mờ cau kơnòm să càr pơgồp bal mờ dơ\ cri bơyai gùng dră bal “Kơrnoăt pơrjum dờng Đảng gùt lơgar dơ\ 12 mờ broă lơh ơruh pơnu dê”; tơnguh, bơta niam broă lơh ơruh pơnu tàm ală tiah in, tơnguh gơnoar, kơnòl bơh ală mpồl ơruh pơnu bơh tàm broă drơng, sền gàr gơnoar kuơ di pal ơruh pơnu dê; rơcang dờp, lơh jăt ală broă lơh, bơnah broă ơruh pơnu tus bal tơnguh bơtàu lơh sa-mpồl bơtiàn, lơh jăt rài kis mpồl bơtiàn, tơnguh bơtàu mpồl bơtiàn… Tàm broă bơyai lơh, duh broă sùm mpồl ơruh pơnu càr Dak Lak neh jàu 2 khà priă mu\t lơh broă ai 2 hìu nhă ơruh pơnu in; 3 khà priă yal broă lơh mờ 12 khà priă ai càn bơh anih priă jền dong kờl cau rơ[ah càr ai ală kơnòm bơsram, cau bơsram dờng in geh 360 tơlăk priă.

        Cau cih mờ yal tơng^t Ndong Brawl