VOV4.K’ho – Sơn đờm bơh ngai òr, ờ uă broă lơh tàm tơngume chờ kơphe Buôn Ma Thuột dơ\ 6 mờ Pơr lòng chài rơ gơi cing mồng Tây Nguyên neh ngan ngồn mut lơh. Nùs nhơm ală ngai chờ dờng tàm [òn dờng Buôn Ma Thuột, càr Daklak neh duh hồl ngan.

Buôn Ma Thuột tàm ală ngai chờ dờng

Bơta tờm ngan bơh chờ kơphe Buôn Ma Thuột dơ\ do dê kung gam là tiah lơh drà – ràng tơlik gah lơh kơphe, geh rơndap lơh tàm Bảo tàng Biệt Điện, sồ 2 gùng Y Ngông, [òn dờng Buôn Ma Thuột. Mờ tơngume “Kơphe niam tài pràn kơldang să jan mpồl bơtìan”, jơh bă tiah ơnàng 2, 3 lồ, hơđơm mbur ală tờm chi dờng, rlau 730 anih ràng phan bơh rlau 230 mpồl lơh sa kă bro tàm lơgar mờ lơgar ndai neh geh rơndap sap sèng niam ngan.

Rlau 730 cơldu\ ràng phan bơh rlau 230 mpồl lơh sa kă bro tus bơh tàm lơgar mờ bơh lơgar ndai tus bal dơ\ lơh chờ

 Tàm hơ\ geh rlau 400 anih ràng phan gah lơh kơphe mờ ală phan bơna gơ rềng tus kơphe; khà gam wơl là ală anih ràng phan yal ală phan bơna kă bro geh anih lơh gơlik loh làng. Do là tu\ nàng ală mpồl lơh sa kă bro yal tơnggit rùp să, mat sơnđan kă bro, yal ală bơta phan kơphe tus làng bol tàm lơgar mờ nac dunia in,mơkung tơnguh git wă tàm broă tam, lơh gơlik kơphe.

Dùl cơldu\ ràng phan geh lơh bơka niam ngan

Drim do 9/3, Lơh drà- ràng tơlik gah phan kơphê hơ\ sồng ngan ngồn sơnđờm lơh, mơya bơh ngai òr 8/3, uă ngan năc lòt nhơl mờ làng bol tàm tiah do neh lòt còp, hùc dà kơphê ờ sa priă tàm ală cơldu\ ràng phan. Chờ hờp mờ pơnìơ să ngan bè tiah lơh kơphê Buôn Ma Thuột tiơng pơnrơ gùt dunia là jơnau sền go\ bal bơh làng bol Daklak dê. Bi Quách Thị Cải, kis tàm sơnah [òn Tân Lợi, [òn dờng Buôn Ma Thuột, pà gi\t: “Ờ mìng pơnìơ să lơm gời ờ mờ gơlơh chờ hờp ngan tài bơh he bơtuah ngan geh kis tàm [òn dờng Buôn Ma Thuột. Sền go\ dơ\ lơh chờ geh uă ngan cau mờ chờ hờp ngan; làng bol tàm jơh ală kơnhoàl ndrờm lòt tus tàm do nàng tus bal sền mờ hùc dà kơphê bơh ală gah lơh phan kơphê bơh ală mpồl lơh sa kă bro dê”.

Tàm {làng dờng 10/3, [òn dờng Buôn Ma Thuột, tiah geh lơh bàr pe broă lơh tờm bơh dơ\ lơh chờ dê, broă rơcang gam lơh jal mhar ngan nàng kờn lơh gơs. Sân khấu niam ngan geh lơh roh uă ngan dà kơlhề mờ tu\ tơngai, niam bơne\ ngan nàng drơng lơh ală broă lơh tờm, bè: Sơnđờm mờ tơn jơh dơ\ lơh chờ mờ bàr pe broă lơh bơh Pơrlòng chài rơgơi cing mồng Tây Nguyên nam 2017. Do geh gơ gơs là tiah lơh bơta niam chài cing mồng bơh pơgăp 400 nă nghệ nhân tus bơh 5 càr tàm Tây Nguyên, Quảng Nam mờ mpồl đơs crih tam ya lơgar Campuchia, Lào, Rumani mờ Hàn Quốc dê.

{òn dờng Buôn Ma Thuột, càr Daklak neh ngan ngồn mu\t tàm ală ngai chờ dờng- di ngan bè tơngume bơh Dơ\ lơh chờ dê, hơ\ là: “Bơtòm tơrgùm bơta niam jak chài- Ngui niam bơhiàn pơnrơ is mờ tàm tơrbo\ bal nàng bơtàu tơnguh”.

Cau cih mờ yal tơngi\t- K’ Duẩn mờ Lơ Mu K’ Yến