VOV4.K’ho-Xã Dliê Yang, kơnhoàl Ea H’Leo, càr Dăk Lăk pa geh dờp là xã [òn lơgar pa. Lơh geh cồng nha do là kơnờm bơh bơta lơh ngan bơh jơh ală anih lơh broă chính trị dê, tàm hơ\ lam lài là mờr 270 nă đảng viên bơh đảng bộ dê sùm lơh jat nùs nhơm tam klac bal, lơh krơh tàm lơh broă sa, bơ\t bơtàu rài kis pa.

            Sươn chi geh rơndăp tăp sèng dùl bă dipal ngan, tềng hơđang là ntê nha chi sầu riêng, tềng đah hơđơm là tiêu, kơphê, mờ chi sa plai geh tam tàm bơrlu\ bal. Gam tàm tơngai kàl prang dờng, mơya kơnờm dà tuh geh tơl sùm den tàng chi lơi chi hơ\ kung hòn kis niam ngan.

Hìu kuơ\ niam dờng ngan, bal mờ ală phan ngui kas priă ngan gơlơh bè ală hìu pas sơm tàm ală tiah drà, [òn dờng sơl. Hơ\ là cồng nha mờ ùr bơklau bi Đinh Thị Châu lơh geh bơh rlau 20 nam bơh Hà Tĩnh mu\t tàm xã Dliê Yang, kơnhoàl Ea H’Leo, càr Dăk Lăk ơm kis lơh sa.

Bi Đinh Thị Châu là Bí thư Chi bộ thôn 3- là thôn pơnrơ bè bơtàu tơnguh lơh sa bơh xã Dliê Yang dê. Bi Châu pà gi\t: Lơh sa hìu bơnhă ală đảng viên dê tàm thôn ndrờm pas sơm lơm. Khi sùm lam lài tàm bơtàu tơnguh lơh sa, dong kờl bal tơn jơh jơgloh tơrmù r[ah. Kuơmàng ală đảng viên pal là krơh àng nàng oh kòn, kòn sau in tàm hìu bơnhă đòm jat.

            Pah nhai, chi bộ lơh broă lơh mblàng yal lam sồr, hòi jà bơto tơngkah ală đảng viên bè bơsram mờ lơh jat nùs nhơm, bồ tơngoh, rài kis mờ broă lơh jak Hồ Chí  Minh dê. Mờ jơh ală đảng viên tàm chi bộ ndrờm lơh jat niam ngan. Bơh hơ\, broă mblàng yal, lam sồr, hòi jà làng bol tàm thôn đơs bal là làng bol pin dờn ngan tàm gùng dà mờ bơta đơng lam bơh Đảng dê, jơh ală broă làng bol ndrờm dùl nùs bal lơm.

            Ồng Nguyễn Tiến Thắng, atbồ thôn 3, bulah ờ hềt là đảng viên mơya geh bơngă pin dờn ngan gơ wèt mờ làng bol tàm thôn. Ồng Thắng đơs là: Làng bol thôn 3 geh rài kis lơh sa mpồl bơtiàn kơ\ kơl jăp bơtàu tơnguh bè do là kơnờm bơta tam klac ring bal uă đah chi bộ, mpồl atbồ is, ală mpồl cau dê. Kuơmàng bơta lơh krơh tàm jơh ală srơh bơh ală đảng viên dê geh bơta pràn lơh gơrề uă tàm broă hòi tơrgùm bơta pràn làng bol bơ\t bơtàu [òn lơgar pa.

Lồi nam 2018, thôn bơyai lơh pơrjum ai jơnau đơs bè broă tă pơgồp priă nàng lơh gùng. Bơh gùng dà, rơndăp lơh tus dì lơh gùng, sền swì ai ngui ndrờm geh cribơyai loh làng song dơ pă làng bol lơh tờm. Tàm ală thôn ndai tàm xã hòi jà làng bol tă pơgồp 50% priă nàng lơh gùng, dà lơgar dong kờl 50% kung bòl glar ngan. Mơya tàm thôn 3, làng bol neh dùl nùs bal tă pơgồp rlau 500 tơlak priă nàng lơh gùng bê tông mờ ờ go\ dan kơnhoàl dong kờl priă lơh. Lơh geh bơta do là kơnờm bơh jơh ală đảng viên tàm thôn là ală cau `ă ntàu hòi jà mờ tă pơgồp uă ngan rlau jơh. Ồng Nguyễn Tiến Thắng pà git:

            Chi bộ pah nhai pơrjum kung jà sơl mpồl atbồ is tus pơrjum bal mờ geh jơnau đơs tă pơgồp mờ chi bộ. Ală đảng viên tàm thôn kung kờ` bal mờ jơnau tă pơgồp hơ\, kung bè yal ală bơnah tă pơgồp nàng đah mpồl atbồ is thôn in lơh ală tơngume. Ală đảng biên lơh jat niam ngan, lơh krơh lam lài tàm ală broă lơh tàm thôn.

            Đảng ủy xã Dliê Yang geh 25 chi bộ, mờ 265 nă đảng viên. Ồng Lý Văn Phấy, Phó Bí thư Đảng ủy xã Dliê Yang pà gi\t: Jơh ală 17 thôn, [òn bơh xã dê ndrờm geh mpồl đảng. Mờ mờr 130 nă đảng viên là cau kòn cau ơm kis tàm ală thôn. Do là ală cau pơnrơ tàm bơ\t bơtàu rài kis pa tàm tiah ơm kis. Ờ mìng lơh sa ai hìu bơnhă khi in lơm mờ khi gam geh kơnòl dong kờl, bơto pơlam làng bol tàm jơi nòi, rềp hìu bal bơtàu tơnguh lơh sa, tàm sơm băt tê bal dùl nùs bal bơ\t bơtàu [òn lơgar pa.

            Kuang bàng đảng viên là cau lơh krơh lam lài, tă pơgồp lài. Tơnơ\ hơ\ làng bol sền go\ bè hơ\ den geh lơh jat. Kơnờm bè hơ\ mờ tàm bơ\t bơtàu [òn lơgar pa den broă gùng lòt [òn lơgar tu\ do neh jơh lơh mờ bê tông tàm jơh ală thôn, [òn.

Lơh sa bơtàu tơnguh pràn, ală adat bơhiàn yau ờ gam kuơ tai gam geh jo\ nam tàm ală [òn kung neh geh kơryan mờ ờ huan geh tai. Rài kis tam gơl, làng bol xã [òn lơgar pa Dliê Yang ngai sơlơ kơ\ kơl jăp bơta pin dờn tàm bơta đơng lam bơh Đảng dê.

Cau mblàng Lơ Mu K’Yến