VOV4.K’ho - Tơnơ\ mờ 1 nam lơh jăt Chỉ thị sồ 1 bơh Thủ tướng Chính phủ dê bè broă bơyai lơh gùt làng bol tus bal sền gàr gơnoar ù tiah, bơta lơngăp lơngai tiah nhàr dà lơgar, tàm càr Dak Lak, ală mpồl tàm do neh lam sồr broă lơh do mờ neh geh gal làng bol tus bal.

Broă lơh do gam pơgồp bal niam tàm broă lơh niam tus mờ bơta lơngăp lơngai tiah nhàr dà lơgar. Cau ai tơng^t jơnau đơs do neh tus mùl màl tàm xã Ia Rvê, kơnhoàl Ea Súp, càr Dak Lak.

Dờp bal broă gùt làng bol tus bal sền gàr gơnoar ù tiah dà lơgar, bơta lơngăp lơngai tiah nhàr dà lơgar bal mờ uă mpồl lơh broă ndai, Mpồl cau ùr [òn 3, xã Ia Rvê, kơnhoàl Ea Súp, càr Dak Lak neh crơng gơs broă lơh mpồl “Cau ùr ờ tìs mờ kơrnoăt nhàr dà lơgar”.

Jăt mò Nguyễn Thị Hai Sơn, atbồ mpồl yal, broă kờ` crơng gơs mpồl do là kờ` ală oh mi cau ùr tam pà bal, lam sồr bal, tơmù kal ke, tus bal mờ cau ling sền gàr tiah nhàr dà lơgar, gàr niam bơta lơngăp lơngai [òn lơgar, tam dră mờ ală bơta ờ niam mpồl bơtiàn mờ tàm hơ\ uă ngan là lam sồr ală cau tàm mpồl ba` tìs mờ kơrnoăt nhàr dà lơgar.

Tài rài kis kal ke, den tàng ală ngai sơnrờp pa crơng gơs geh ờ gal cau tus bal. Cau ling sền gàr tiah nhàr dà lơgar neh bal mờ kuang bàng tàm mpồl cau ùr lơh ngan lam sồr, lam sồr ndang mờ bơyai lơh ală broă dong kờl làng bol niam, den tàng tus tu\ do neh geh 100 nă oh mi cau ùr tus bal.

Pah nhai, mpồl bơyai lơh pơrjum 1 dơ\, tàm ală dơ\ pơrjum, neh pơgồp bal mờ ală broă lơh chài trơgơi, đơs crih tamya, tàp pràn să jan… kờ` hòi jà sơlơ ngai sơlơ geh uă cau tus bal. ală cau tàm mpồl neh tus bal sền gròi, sền gàr nhàr dà lơgar, sền gàr brê, sơndră mờ ồs sa, lam sồr làng bol tam klăc bal bơ\t bơtàu [òn lơgar…

Mò Trần Thị Lệ Thuỷ, cau tàm mpồl cau ùr xã Ia Rvê, kơnhoàl Ea Súp pà g^t:

- Broă lơh bơh bol a` dê tu\ crơng gơs mpồl do là kờ` geh anih nhơl ală oh mi cau ùr in, rơhời geh tìp mờ jơnau g^t wă adăt boh lam. Kung bè ală jơnau g^t wă bè broă tơnguh bơtàu lơh sa hìu nhă, bơh tu\ hơ\ geh dong kờl ală oh mi cau ùr in g^t kờ` bal mờ hìu nhă tơnguh bơtàu lơh sa.

Bơh tu\ hơ\, tơmù bơta ờ ndrờm bal cau klao mờ cau ùr tàm hìu nhă, oh mi cau ùr kung gơs là 1 nă cau lam sồr kờ` tơmù bơta ờ niam mpồl bơtiàn, kung bè broă tìs mờ kơrnoăt nhàr dà lơgar.

Kung bè broă lơh bơh mpồl cau ùr dê, mpồl ơruh pơnu xã Ia Rvê, kơnhoàl Ea Súp neh crơng gơs ală mpồl “{òn ờ geh ơruh pơnu tìs mờ adăt boh lam”.

Tàm ală mpồl do, kuang bàng, cau ling tàm pôs ling sền gàr tiah nhàr dà lơgar Ia Rvê neh pơgồp bal mờ kuang bàng lơh broă Đoàn ơruh pơnu, bơyai lơh lam sồr gùng dà, broă lơh bơh Đảng, adăt boh lam bơh Dà lơgar bal mờ ală kơrnoăt bè sền gàr gơnoar ù tiah bơta lơngăp lơngai tiah nhàr dà lơgar.

Ơruh pơnu tus bal k^ hơ ờ tìs mờ adăt boh lam, tus bal uă broă lơh chài rơgơi, mpồl bơtiàn, lơh broă sa, lơh geh uă bơnah broă pơgồp bal mờ broă bơ\t bơtàu [òn lơgar pa. Bi Lê Văn Phong, Phó Bí thư Đoàn ơruh pơnu xã Ia Rvê pà g^t:

- Uỷ ban xã neh tus bal lam sồr làng bol tus bal, mờ ală kuang bàng tus bal niam ngan tus mờ broă do, tus bal `hă `har ngan, mờ bol a` neh rơcang tơnguh uă broă lơh do tàm ală [òn ndai.

Pơlam mu\t lơh broă mpồl, kuang bàng, cau ling sền gàr tiah nhàr dà lơgar Ia Rvê kung tam pà ală mpồl lơh broă tus bal tàm ală [òn, sền gròi broă lơh, lơh jăt mờ gùng dà “Sa bal, ơm bal, lơh broă bal mờ làng bol”.

Kơnờm mờ hơ\, broă lơh gùt làng bol tus bal sền gàr ù tiah, bơta lơngăp lơngai tiah nhàr dà lơgar tàm xã Ia Rvê gam geh ală mpồl lơh broă lơh niam. Ồng Cao Minh Lự, Chủ tịch UBND xã Ia Rvê pà g^t:

- Tàm broă lơh jăt broă lơh, bol a` neh geh pờ ală dơ\ pơrjum, lơh jăt tus tơl mpồl lơh broă tàm ală [òn, ală gah, mpồl lơh broă tus bal, dan mờ bơh tu\ hơ\ geh tơnguh uă tus tơl hìu nhă kờ` tơnguh uă nùs nhơm, g^t geh kơnòl să tòm dê bè broă lơh ù tiah, bơta lơngăp lơngai tiah nhàr dà lơgar.

Bơh rơlao 1 nam lơh jăt Chỉ thị bơh Thủ tướng Chính phủ dê bè broă bơyai lơh, tus bal sền gàr ù tiah, bơta lơngăp lơngai tiah nhàr dà lơgar tàm rài pa, càr Dak Lak neh geh cồng nha lài ngan niam bơne\. Ală xã tiah nhàr dà lơgar càr Dak Lak neh pơgồp bal mờ ală pôs ling sền gàr tiah nhàr dà lơgar crơng gơs geh 51 mpồl sền gàr bơta lơngăp lơngai tàm ală [òn.

Ală broă lơh “Hìu nhă cau ùr ờ tìs mờ kơrnoăt tiah nhàr dà lơgar”, “Ơruh pơnu ờ tìs mờ adăt boh lam”, “Săp ntas gàr bơta lơngăp lơngăp lơngai”, “Săp klèng làng bol sền gàr”… hòi jà geh gal làng bol tus bal, mùl màl pơgồp bal tàm broă gàr niam tiah nhàr dà lơgar bơh gùt làng bol dê, pơgồp bal tàm broă bơ\t bơtàu tiah nhàr dà lơgar pràn kơl dang.

Đại tá Lê Đáng, Phó Chính uỷ mpồl ling sền gàr tiah nhàr dà lơgar càr Dak Lak pà g^t:

- Tơnơ\ mờ rơlao 1 nam lơh jăt chỉ thị sồ 1 bơh Thủ tướng Chính phủ, lam sồr gùt làng bol tus bal sền gàr ù tiah, bơta lơngăp lơngai tiah nhàr dà lơgar tàm rài pa, tus tu do, ală kơnhoàl, [òn dờng, thị xã tàm càr Dak Lak neh lơh jăt mờ làng bol càr Dak Lak neh g^t tơngu me chỉ thị sồ 1.

Kuơ màng ngan là tàm xã tiah nhàr dà lơgar, 2 kơnhoàl tiah nhàr dà lơgar neh pơgồp bal nền nòn mờ cau ling sền gàr tiah nhàr dà lơgar kờ` lơh geh cồng nha, ală tơngu me tàm chỉ thị sồ 1 dê, mìng is tàm ală xã tiah nhàr dà lơgar den tus tu\ do neh geh 51 tàm 51 [òn bơyai lơh geh ală mpồl sền gàr mờ k^ hơ bal mờ mpồl ling sền gàr tiah nhàr dà lơgar lơh jăt broă sền gàr `jrong, bơta lơngăp lơngai tàm tiah nhàr dà lơgar.

Cau cih mờ yal tơng^t Ndong Brawl