VOV4. K'ho - Ală Kuang atbồ Gah Lơh broă priă jền ală lơgar tàm Mpồl tam klăc châu Âu- EU pơrjum tàm Brussel, lơgar Bỉ ngai òr 27/01, ring bal ai Ukraine in càn 2 tơmàn dolar Mỹ nàng dong Ukraine lik klàs bơh bơta gơtìp gơkòl dồs, mơkung kơlôi tus broă digơlan sơlơ dong kờl lơgar Ukraine in tàm tơngai pơn jăt tai. Ukraine tu\ do gam kơ nờm uă tàm bơta dong kờl bơh Kes priă Priă jền dunia- IMF nàng pleh digơlan gơtìp gơ kòl dồs. Mơya, ală cau mờng chài lơh sa đơs la, Ukraine kung gam pal ko\ng mờ bơta ờ tơl uă ngan pơgăp 15 tơmàn dolar Mỹ. Gơnuar atbồ lơgar Ukraine kơ\p kờn ală dar cribơyai pa geh dong ai ală bơnah priă ai càn pa.